Anaǵa taǵzym

Oblys ákimi Nurlybek Nálibaev forým jumysyna sáttilik tilep, qoǵamdaǵy analardyń rólin erekshe atap ótti.

«Prezıdent janyndaǵy áıel­der isteri jáne otbasylyq-demo­grafııalyq saıasat jónindegi Ulttyq komıssııamen birlesip, ótken jyldyń qarasha aıynda alǵash ret «Anaǵa taǵzym» respýblıkalyq forýmyn uıymdastyrdyq. Taǵylymdy is-shara qonaqtary sol sátte bul jıyndy dástúrli túrde ótkizýdi usynǵan edi. Búgingi forým Ulttyq komıssııamen birlesip uıymdastyrylyp otyr. Shańyraǵynda bereke uıytyp, qoǵamdyq-saıası úderisterge belsene qatysatyn áıel-anany ardaqtaý, tarıhtaǵy uly analarynyń izgi jolyn dáriptep, jas urpaqqa rýhanı-adamgershilik tárbıe berý, ótkenniń taǵylymyn jańa dáýirdiń talabymen sabaqtastyrǵan búgingi qazaq áıeliniń úlgili beınesin qalyptastyrýdy kózdegen forým jumysyna sáttilik tileımiz», dedi aımaq basshysy.

Mádenıet jáne aqparat mınıstri, Prezıdent janyndaǵy áıelder isteri jáne otbasylyq-demografııalyq saıa­sat jónindegi Ulttyq komıssııa tór­aǵa­sy Aıda Balaeva áıel-analardyń el damýy men órkendeýine qosqan úl­ken úlesin aıryqsha atap ótti. Olar­d­yń qoǵamdaǵy ornyn aıqyndap, quqyq­tary men múmkindikterin keńeıtý memlekettik saıasattyń basym baǵyty bolyp qala beretinin aıtty. Búginde otbasy jáne genderlik teńdik ıns­tıtýtyn damytýdyń qazaqstandyq modeli aıqyndalǵan 2030 jylǵa deıingi Tujyrymdamany iske asyrý jalǵasyp keledi.

Jıynda Qazaqstannyń eńbek sińirgen qaıratkeri, til janashyry Asyly Osman, Qazaqstan halqy Assam­b­leıasy janyndaǵy respýblı­kalyq Analar keńesiniń tóraǵasy Nazı­pa Shanaı, respýblıkalyq «Áke­­ler odaǵy» qoǵamdyq birles­tigi­niń tóraǵasy Maqsutbek Aıtma­ǵan­­bet, «Amanat» partııasy áıel­der qa­natynyń tóraǵasy Sholpan Karınova jáne belgili telejúr­gizý­shiler Qymbat Dosjan, Dana Nur­jigitova, Qazaqstannyń eńbek sińirgen qaırat­kerleri Elena Ábdihalyqova, El­mura Jańabergenova, Jeńis Ys­qaqova, Uljan Baıbosynova sóz sóıledi.

Forýmda Aıda Balaeva otbasy qun­dylyqtaryn únemi nasıhattap, áıel­der isteri jáne otbasylyq-demo­grafııalyq saıasatty belsendi iske asyrýǵa atsalysqan qyz-kelin­shekterdi marapattady.

О́ńirde oblys ákimi janyndaǵy áıelder isteri jáne otbasylyq-demografııalyq saıasat jónindegi komıssııa músheleri barlyq aýdandardy aralap, turǵyndarmen kezdesedi. Psıhologterdiń qatysýymen trenıngter ótkizdi. Analardy qoldaý jáne adal eńbekti nasıhattaý maqsa­tynda Aýyl áıelderiniń forýmy uıym­das­tyryldy. Ákeler odaǵy qury­lyp, er bala tárbıesine qatysty júıeli sharalar atqarylyp keledi. Bar­lyq mektepte Ákeler, Analar keńes­teri belsendi jumys istep, Ulttyq ko­mıs­sııanyń tapsyrmasyna sáı­kes oblys ákiminiń otbasy jáne áıel­der isteri jónindegi ýákili taǵaıyndaldy.

Qyzylorda