Perızat Sádýaqas Qaraǵandy oblysynda dúnıege kelgen. E.Bóketov atyndaǵy Qaraǵandy memlekettik ýnıversıtetin bitirgen, tarıhshy, zańger. Tarıh ǵylymdarynyń kandıdaty. 4-shi sanatty biliktilik synyby bar.
Perızat Sádýaqastyń eńbek joly:
2002 – 2009 jyldary Qaraǵandy qalasyndaǵy M.Jumabaev atyndaǵy №39 mektep-gımnazııanyń, E.Bóketov atyndaǵy Qaraǵandy memlekettik ýnıversıteti tarıh fakýltetiniń oqytýshysy, Qaraǵandy memlekettik medısına akademııasynyń oqý – klınıkalyq ortalyǵynyń ınspektory bolǵan.
2009 – 2017 jyldary Qaraǵandy oblystyq tilderdi damytý basqarmasynyń jetekshi mamany, Mádenıet jáne aqparat mınıstrligi Aqparat jáne muraǵat komıtetiniń sarapshysy, QR Prezıdenti Baspasóz qyzmetiniń referenti, sarapshysy, QR Prezıdenti Ákimshiligi Ishki saıasat bóliminiń sarapshysy, ınspektory, M.Nárikbaev atyndaǵy KAZGIýÝ AQ Basqarma Tóraǵasynyń keńesshisi boldy.
2019 – 2024 jyldary Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Seriktestik departamenti dırektorynyń orynbasary, dırektory, Sybaılas jemqorlyqqa qarsy is-qımyl agenttiginde (Sybaılas jemqorlyqqa qarsy qyzmet) úzdiksiz qyzmet, Ulytaý oblysy ákiminiń, Aqparat jáne qoǵamdyq damý mınıstriniń keńesshisi, Mádenıet jáne aqparat mınıstrliginiń Azamattyq qoǵam isteri komıteti tóraǵasynyń orynbasary qyzmetterin atqarǵan.
«Qurmet» ordenimen, «Qazaqstan Konstıtýsııasyna 20 jyl» merekelik medalimen marapattalǵan.
