Ol Zańnama jáne sot-quqyqtyq reforma komıtetiniń quramynda jumys isteıtin bolady.
«Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýsııasy men zańdaryn múltiksiz oryndaýǵa, maǵan júktelgen depýtattyq joǵary mindetterdi adal atqarýǵa ant etemin», dedi Nursultan Baıtilesov.
N.Baıtilesov 1991 jyly týǵan. M.Áýezov atyndaǵy Ońtústik Qazaqstan memlekettik ýnıversıtetin «quqyqtaný» mamandyǵy boıynsha, О́ńirlik áleýmettik-ınnovasııalyq ýnıversıtetin «ekonomıka jáne bıznes» mamandyǵy boıynsha bitirgen. Zań ǵylymdarynyń magıstri.
2009 jyldan bastap Astana qalasy Almaty aýdandyq sotynyń jetekshi mamany, bas maman-sot otyrysynyń hatshysy, sot prıstavy, bas mamany, Atyraý, Pavlodar oblystyq sottarynyń keńsesi basshysynyń orynbasary, Joǵarǵy Sot janyndaǵy Sottardyń qyzmetin qamtamasyz etý departamentiniń bas konsýltanty bolyp qyzmet atqarǵan.
2016 jyldan bastap 2018 jylǵa deıin – Áskerı sot ákimshisiniń basshysy, Qazaqstan Joǵarǵy Soty janyndaǵy Sottardyń qyzmetin qamtamasyz etý departamentiniń Halyqaralyq baılanystar jáne Protokol bólimi meńgerýshisiniń orynbasary. Osy taǵaıyndaýǵa deıin Shymkent qalasynyń Sottar ákimshisiniń basshysy boldy.
Sońǵy qyzmeti «Qazaqstannyń sot ákimshiligi» memlekettik mekemesi basshysynyń birinshi orynbasary bolǵan edi.
