Atalǵan quttyqtaý mátinde: «Barshańyzdy Halyqaralyq áıelder kúnimen shyn júrekten quttyqtaımyn! Sizder ómirdi sulýlyqqa toltyryp, aınalańyzdy únemi ásemdikke, ádemilikke, shattyqqa bóleısizder.
Áıelder qaýymy – qashanda ulttyń uıytqysy jáne otbasynyń berekesi. Sizder qaı kezeńde de danalyq pen parasattylyqtyń bıiginen kórinip, eldiń ilgeri jyljýyna úlken úles qosyp kelesizder. Táýelsiz Qazaqstannyń ósip-órkendeýi jolyndaǵy eseli eńbekterińiz de aıryqsha mańyzǵa ıe.
Analarymyzdyń aq tilegi men erik-jigeri ulttyń boıyna úlken senim uıalatyp, jarqyn kúnderge jeteleıdi. Áıel azamattardyń urpaq tárbıesindegi róli de árdaıym joǵary qurmetke laıyq. Sondyqtan bul merekeni aıaýly analarymyzǵa jáne arýlarymyzǵa degen yqylas pen iltıpattyń sımvoly dep qabyldaımyz.
Kóńilge shýaq shashatyn búgingi meırammen quttyqtaı otyryp, sizderge zor densaýlyq, tolaıym tabys jáne baqyt tileımin!
Mereke qutty bolsyn!», delingen.
