Bul suraqqa IIM M.Esbolatov atyndaǵy Almaty akademııasy ákimshilik-quqyqtyq pánder kafedrasy basshysynyń orynbasary, polısııa podpolkovnıgi Ásem Qyrǵyzbekqyzy jaýap berip, jańa erejeniń mánin túsindirdi.
– Jol júrý erejeleriniń 5-taraýy 24-tarmaǵynyń 3-tarmaqshasyna sáıkes baǵdarshamnyń sary sıgnaly qozǵalysqa tyıym salady. Buǵan deıin baǵdarshamnyń sary sıgnaly júrgizýshige qozǵalysyn aıaqtaýǵa múmkindik beretin. Alaıda júrgizýshiler bul normany durys paıdalanbaǵandyqtan, qıylystarda sonyń kesirinen jol-kólik oqıǵalary jıi tirkeledi. Sondyqtan mundaı quqyq buzýshylyqtardy endi beınebaqylaý kameralary avtomatty rejimde tirkep, sary tús janǵanda ótip ketkender Ákimshilik quqyq buzýshylyqtar týraly kodeksine saı jaýapkershilikke tartylady.
