«Qasıetti Orazanyń ekinshi kúni qazaqtyń birtýar qalamgeri, asyl aǵamyz Jumabaı Shashtaıuly Jaratqannyń quzyryna qaıtypty. О́kinishti…Sóz joq…Birneshe býynǵa ustaz bolǵan, adal hám tap-taza qalpynan aınymaı, sońynan bir aýyz bóten sóz ilestirmegen sábı bolmysty Jumaǵań týraly aıtar jaqsy áńgime kóp. Jaqsylar shetinen ketip jatyr», dep jazdy J.Áshimjan.
Jumabaı Shashtaıuly 1950 jyly Jambyl aýdany Jambyl aýylynda dúnıege kelgen. Ol «Kommýnızm joly» gazetinde, 1980-87 jyldary respýblıkalyq «Lenınshil jas», «Sosıalıstik Qazaqstan» gazetterinde, 1987-90 jyldary «Jalyn» jýrnalynda qyzmet atqardy. 1990-92 jyldary «Qazaq tili» qoǵamy Almaty oblystyq komıteti tóraǵasynyń orynbasary, 1992-96 jyldary «Jas Alash», «Qazaq ádebıeti» gazetterinde bólim meńgerýshisi, 1996-2002 jyldary halyqaralyq «Zaman-Qazaqstan» gazetiniń bas redaktory boldy.
2002 jyldan bastap Qazaq radıosynyń bas redaktory qyzmetin atqardy. 2008-2017 jyldary «Qazaq ádebıeti» gazetinde bas redaktor qyzmetin atqarǵan.
1982 jyly «Tań nury» atty ujymdyq jınaqqa «Qııada» atty alǵashqy povesi endi. 1984 jyly shyqqan «Qyzyl kar» atty tuńǵysh jınaǵy sol kezdegi saıası basshylyq tarapynan qatal synǵa ilikti. Budan soń «Jala men nala» (1987), «Jyr jolbarys» (1996), «Bizdiń zamannyń Aıaz bıi» (1997) kitaptary jaryq kórgen.
