40-59 jas aralyǵyndaǵylar arasynda básekege túsken Ulttyq ulan akademııasynyń dene shynyqtyrý jáne sport kafedrasynyń aǵa oqytýshysy podpolkovnık Maqsat Núsipov úshinshi oryn aldy.
Jarysqa Qazaqstan, Ázerbaıjan, Belarýs, Mavrıtanııa, Túrikmenstan, О́zbekstan, Reseı sportshylary qatysty.
Marapattaý rásimi «Sport planetasy» ámbebap zalynda saltanatty jaǵdaıda ótti. Jarystyń chempıondary men júldegerlerin halyqaralyq polıatlon qaýymdastyǵynyń prezıdenti Evgenıı Stolıarov, Búkilreseılik polıatlon federasııasynyń prezıdenti Oleg Lısov, jarystyń bas tóreshisi Sergeı Ikrıannıkov, sondaı-aq Sasov qalalyq okrýgi Dýmasynyń depýtaty, «Sport planetasy» kesheniniń dırektory, polıatlonnan Reseı sport sheberi Vıtalıı Ikrıannıkov marapattady.
- Men aqpan aıynyń sońynda Qostanaı qalasynda osy sport túrinen ótken Qazaqstan Respýblıkasynyń chempıonatynda birinshi oryn ıelendim. Osydan keıin meni ulttyq quramaǵa qosty. Chempıonattyń barlyq qatysýshylary joǵary daıyndyq deńgeıin jáne jeńiske degen umtylysyn kórsetti. Jarystardy uıymdastyrý jáne ótkizý joǵary deńgeıde boldy. Ulttyq ulannyń Bas qolbasshylyǵyna elimizdiń atynan halyqaralyq deńgeıdegi jarystarǵa qatysýǵa múmkindik bergeni úshin alǵys aıtqym keledi, – dep atap ótti podpolkovnık Maqsat Núsipov.
Aıta keteıik, jarys úsh kezeńde ótti birinshi kúni qatysýshylar pnevmatıkalyq myltyqtan atý boıynsha mergendik tanytty, ekinshi kúni barda tartýdan synǵa tústi jáne jarystyń sońǵy kúni sportshylar 5 km qashyqtyqta shańǵy jarysy boıynsha baq synady.
Saıys qorytyndysy boıynsha Qazaqstan Respýblıkasynyń quramasy komandalyq birinshilikte ekinshi oryn aldy.
