Qaraýyl saqshylary

Jaýapkershiligi joǵary me­kemedegi tártipti kirpik qaqpaı kúzetetinderdiń qatarynda qa­raýyl basshysy, serjant Bolat Ábishev te bar. Qyzylorda ob­lysy­nyń Qazaly aýdanynan kel­­gen ol osy áskerı bólimde 2010 jyldan beri qyzmet atqa­ra­dy. Alǵashynda bólimshe koman­dıri, keıin aǵa maman-qaraýyl basshysynyń kómekshisi, bir jyl rota starshınasy boldy. Úsh jyldan beri qaraýyl basshysy bolyp qyzmet etetin ol: «Bizdiń mindetimizge túrmedegi tártip pen zańsyz zat aınalymyn boldyrmaý kiredi. Bir sózben aıtqanda, mekemeniń ishi de, syrty da Ult­tyq ulan jaýyngerleriniń qatań baqylaýyna alynǵan. Qyzmetimdi atqarý barysynda túrli qaýippen betpe-bet keletin kezder bolady. Birneshe jyl buryn ty­ıym sa­lynǵan zattardy túrmege laqtyr­ǵan azamattardy ustaǵan kezimiz de esimizde», deıdi.

Osy abyroıly qyzmeti úshin «Erligi úshin» medalin alǵan. Onyń aıtýynsha, bul jerde bos­tan­dyqtyń boz ala tańyn bos ótkiz­gen, saldarynan básekeden qa­lyp, basqanyń baǵyna jarmas­qan talaı adam otyr. Olardy qoǵam­nan bólip turǵan bıik qa­byrǵa ǵana. Erkindiktegiler men bas bostandyǵynan aıyrylǵan­dardyń arajigin bólip turǵan taǵy bir mańyzdy bóget – qa­raýyl. Sondyqtan jaýyngerlik qyz­metke túsken sarbazdarǵa júk­teletin jaýapkershilik júgi aýyr. Sarbazdar qyraǵylyqtan bólek, ustaǵan qarýyn kútip-bap­taı alatyn bolýy jáne qajet jaǵ­­daı týyndaǵanda qoldana bi­lýge tıis. Olarǵa qyzmet bary­syn­­da qatelik jiberýge bolmaıdy.

Osydan tórt jyl buryn óziniń batyl áreketimen el esinde qalǵan Bolat Ábishev úıiniń mańynda jumys istep jatady. Kenet bógde bir dybystarǵa eleń ete qalǵan ol kórshiles úılerdiń biri otqa orana bastaǵanyn baıqaıdy. Esh oılanbastan otqa oranyp jatqan úıdegi gaz ballonyn syrtqa shyǵaryp, jalǵyz basty egde jastaǵy úı ıesine kómek qolyn sozady. Sol aralyqta ózge de adamdar tóńirekke jınala qalǵan eken. Gazǵa qarsy baskıimdi kıip úı ıesiniń aıtqan jerinen birshama qujattardy da alyp shyǵady.

Áskerı bólimdegi qaraýyl bas­tyǵynan bólek, onyń kómekshileri de osal emes. Sondyqtan ol óziniń kómekshilerine de zor senim artady. Sondaı kómekshileriniń biri – 3660 áskerı bóliminiń úshinshi atqyshtar rotasynyń aǵa mamany – qaraýyl bastyǵynyń kómek­shisi, efreıtor Amanaı Er­jan­uly. On jyldan beri áske­rı qyzmette júrgen ol da bul sa­laǵa bala kúninen qushtar bolyp­ty. 5-atqyshtar rotasy 3-vzvo­dynyń sarbaz-atqyshy qyzme­tinen bastaǵan ol qazir qaraýyl bastyǵynyń kómekshisi laýazymyna taǵaıyndalypty.

– Biz bekettegi saqshylardy ýaqtyly aýystyryp, sottalý­shy­lardyń qashýyna jol bermeı­miz. Qaraýyl basshysy uıyqtap jatqan kezde onyń birinshi kómek­shisi jaýapkershilikti arqalaı­dy. Rotadan qaraýyl boıyn­sha sabaq alyp shyqqan jigitter jaýyn­gerlik qyzmetke túsedi. Qa­­raýylǵa barlyǵy 20 adam shy­­ǵ­a­dy. Olardyń 14-i sarbaz. Sarbazdardy jaýyngerlik qyz­met­ke jibermeı turyp, aldyn ala suhbat júrgizemiz. Qandaı kúı­de ekeni, kimdermen sóıleskeni jaı­ly suraımyz. Olar bir táýlik bizben júretindikten, bar syryn jasyrmaı aıtady. Eger alań­datarlyq jaǵdaılar baryn sezsek rota komandıriniń tárbıe jáne áleýmettik-quqyqtyq jumystar jónindegi orynbasaryn habardar etemiz, – deıdi efreıtor Amanaı Erjanuly.

Bul kúnderi munda 40 márte qaraýyl qyzmetine túsken qa­tar­daǵy Bilisbek Turlybek se­kildi sarbazdar da qarýyn asy­nyp, Ota­nyna qaltqysyz qyz­met etip júr. Shymkent qala­syndaǵy oqýyn aıaqtaǵan soń birden áskerge kelgen ol jaýyn­gerlik qyzmet atqarýdan qashpaý kerektigin aıtty. Onyń bul oıyn ózge qarýlastary da qup­taıdy. «Áskerge kelgen soń ómirdiń, ata-ananyń qadirin tú­sin­dim. Jańa dostar taptym. Biz­diń qyzmet – sottalǵandardyń qa­shyp ketpeýin qadaǵalaý. Olar­dyń syrttaǵy adamdarǵa zardaby tımeýi úshin barymyzdy salyp júrmiz», deıdi Abaı oblysynan kelgen qatardaǵy jaýynger Álisher Orazhan. Taǵy bir sarbaz, qatardaǵy jaýynger Danıal Manatbek dzıýdomen shuǵyldanatyn, sportqa beıim shymyr jigit. «Otan otbasy­nan bastalady. Ata-anam tynysh uıyqtasyn dep, bizder osyn­­da qyz­met atqaryp júrmiz. Bola­shaq­­ta áskerı bólimde qyzmet et­kim keledi. Sondyqtan osy bas­tan áske­rı salanyń qyr-syryn úı­re­­ný­ge qyzyǵýshylyq tany­­typ júr­min», deıdi aǵynan jaryl­ǵan jaýynger. Minekeı, osyn­daı ulan­dary bar Ulttyq ulan­nyń memleketimizdiń turaqtyǵyn qalyp­tastyryp, irgetasyn bekemdeýde qosar úlesi zor.