Foto: ashyq derekkózden
«Taǵy bir másele – bıýdjet qarjysyn únemdeý. Úkimet bul máseleni árdaıym basty nazarda ustaýǵa tıis. Qazir bıýdjettiń kirisi men shyǵysy qaıta qaralyp jatyr. Qarjyny ońdy-soldy jumsaýǵa bolmaıdy, bul – aqıqat. Memlekettik mekemelerdiń bıýdjetin tekserip otyrmasa, shyǵystary ulǵaıa beredi. Muny qatań baqylaýda ustaý kerek. Taǵy da qaıtalap aıtamyn. Qarajat eń qajet jobalarǵa, eń mańyzdy máselelerdi sheshýge jumsalýy qajet», dedi Q.Toqaev.
Prezıdent jaýaptylarǵa elimizdi aımaqtaǵy ashyq naryqtyq ekonomıkasy bar mańyzdy ortalyqqa aınaldyrý boıynsha jumys isteý mindetin júktedi.
«Men ulttyq býrjýazııa týraly oı-tujyrymdy osydan 24 jyl buryn Davos ekonomıkalyq forýmynda atap óttim. Bul jerde ulttyq degen sóz kásipkerdiń ultyna emes, onyń azamattyq sana-sezimine qatysty aıtylyp otyr. Iаǵnı, elimizge qoǵam aldyndaǵy joǵary jaýapkershiligin sezinetin jáne Qazaqstandy damytýǵa eleýli úles qosatyn ulttyq býrjýazııa kerek», dedi Memleket basshysy.
