Foto: TJM
Qabanbaı batyr dańǵyly boıyndaǵy «TENGRI» jáne E-36 kóshesindegi «Respublika» turǵyn úı keshenderinde ornalasqan bir bólmeli jáne eki bólmeli páterlerdegi jańa qonystanýshylar qatarynda elordalyq О́rt sóndirý jáne avarııalyq-qutqarý jumystary qyzmetiniń órt sóndirýshileri, qutqarýshylary, bólimshe komandırleri bar.
«Jumystaryńyz fızıkalyq tózimdilikti ǵana emes, emosıonaldy kúshti de qajet etedi, men sizderdiń jumystaryńyzdy qatty qurmetteımin. О́z tarapymyzdan biz eńbek etýge qolaıly jaǵdaı jasaý jáne jaqsartý boıynsha barlyq qajetti sharalardy qabyldaýdy jalǵastyramyz. Mysaly, turǵyn úı jaǵdaılaryn jaqsartý úshin biz turǵyn úı baǵdarlamasyna qatysýshylardyń sanatyn (otandyq turǵyn úı kompanııasy) keńeıttik, jastarǵa arnalǵan arnaıy turǵyn úı baǵdarlamasyn iske qostyq, onda TJD qyzmetkerleriniń sanatyn bólek bóldik. Sondaı-aq Departament qyzmetkerleri úshin turǵyn úı sertıfıkatynyń mólsheri 1 mln teńgeden 1,5 mln teńgege deıin ulǵaıtyldy. Sońǵy úsh jylda TJD qyzmetkerlerine 90 páter berildi», dedi Jeńis Qasymbek.
TJM basshysy aldaǵy ýaqytta da mınıstrlik ákimdiktermen birlesip kóbirek qyzmetkerler úshin turǵyn úı jaǵdaılaryn jaqsartýdy josparlap otyrǵanyn atap ótti.
Jyl saıyn elordalyq Tótenshe jaǵdaılar departamenti bólimsheleri orta eseppen 4000-nan astam jedel-qutqarý shyǵýlaryn jasaıdy, 600-den astam órtti joıady, 1000-nan astam adamnyń ómirin qutqarady jáne evakýasııalaıdy.
