Foto: Úkimettiń baspasóz qyzmeti
Jumys sapary barysynda óńirdegi sý qoımalarynyń jaı-kúıi men sý tasqynyna qarsy is-sharalardy sapaly ári ýaqtyly júrgizý jumysyna erekshe nazar aýdaryldy. Soltústik Qazaqstan oblysy sý tasqyny qaýpi bar aımaqqa kiredi. Oblystyń negizgi sý kózi – Esil ózeni úsh sý qoımasy: Astana, Sergeev jáne Petropavl sý toraptarymen retteledi.
Úkimet basshysy Petropavl sý torabyna baryp, sý qoımasynyń jaǵdaıyn tekserdi. Qazirgi ýaqytta ol qalypty jaǵdaıda jáne shtattyq rejımde jumys istep tur. Sý tasqyny kezeńinde sý qoımasy algorıtmge sáıkes jumystyń «tranzıttik rejımine» aýystyrylady jáne tasqyn sýlardyń ótýine áser etpeıdi.
Sonymen qatar Oljas Bektenov ótken jyldyń sáýir aıynda shamadan tys tolyp ketken Sergeev sý qoımasynyń jaǵdaıyna nazar aýdardy.
«Sý qoımalary bar Sergeev jáne Petropavl sý toraptary ؘ– respýblıkalyq menshiktegi sý sharýashylyǵy qurylystary tizbesine engizilgen jáne erekshe strategııalyq mańyzy bar. Sergeev sý qoımasyndaǵy jınalǵan sýdyń kólemi 82%-dy quraıdy. Bul jerlerde saıajaı ýchaskelerin erekshe nazarda ustaýdy tapsyramyn», dep atap ótti Premer-mınıstr.
«Qazsýshar» RMK SQOF dırektory Shuǵaıyp Ibatýllınniń aıtýynsha, osy kezeńde Sergeev jáne Petropavl sý toraptary shtattyq rejımde jumys istep jatyr. Alaıda avtojoldaǵy kópirlerdiń jekelegen konstrýksııalary apatty jaǵdaıda tur. Osyǵan baılanysty ózge balamaly joldar arqyly kólik aǵynyn qaıta baǵyttaý máseleleri qarastyrylyp otyr. Jalpy, óńirde sý tasqynyna beıim 87 eldi meken esepke alynǵan. 24 qańtardan bastap oblys kúsheıtilgen daıyndyq rejımine aýystyryldy, 26 naýryzdan bastap jedel shtab jumyldyryldy.
Premer-mınıstr Soltústik Qazaqstan oblysy ákimdigine josparlanǵan barlyq aldyn alý is-sharalaryn aıaqtaýdy, al TJM-ǵa sý tasqyny jaǵdaıy ýshyqqan jaǵdaıda kúshter men tehnıkany jumyldyrýdy tapsyrdy.
«О́zderińiz kórip otyrǵandaı, elimizdiń birqatar óńirinde sý deńgeıi kóterilip, sý tasqyny boldy. Barlyq kúshter jumyldyryldy. Respýblıkalyq jáne óńirlik jedel shtabtar táýlik boıy jumys istep tur. Qazirgi ýaqytta Tótenshe jaǵdaılar, Ishki ister, Qorǵanys mınıstrlikteri, Ulttyq qaýipsizdik komıtetiniń arnaýly kúshteri men quraldary — barlyǵy 4 myńǵa jýyq adam, 1,3 myńnan astam tehnıka sý tasqynyna qarsy jumystarǵa tartyldy. Jol qatynasy qıyn jerlerde adamdar tikushaqtarmen evakýasııalanyp jatyr. Jumystar qaýip tolyq seıilgenshe jalǵasatyn bolady. Jaǵdaı qatań baqylaýda tur. Zardap shekkenderge Úkimet jáne ákimdik tarapynan qajetti kómek kórsetiledi», dep atap ótti Oljas Bektenov.
SQO-ǵa jumys sapary aldynda Úkimet basshysy óńirlerdiń ákimderi men tótenshe jaǵdaılar mınıstriniń sý tasqyny jaǵdaıyn baqylaý boıynsha júrgizilip jatqan jumystar týraly esepterin tyńdady.
