Birqatar zań maquldandy

Otyrysty ashqan Máýlen Áshimbaev aldymen, búgin kórnekti memleket jáne qoǵam qaıratkeri, Parlament Se­naty­nyń alǵashqy tóraǵasy О́mirbek Baıgeldiniń qaı­tys bolýyna baılanysty mar­qumnyń otbasy men jaqyn­daryna kóńil aıtty.

«О́mirbek Baıgeldiulynyń ónegeli ómiri el tarıhynyń tutas bir taraýy deýge tolyq negiz bar. Ol 1995 jyly senator retinde saıla­nyp, táýelsiz Qazaqstan tarıhyn­da Parlament Senaty­nyń alǵashqy tóraǵasy boldy. Osylaısha, ulttyq parla­mentarızmniń qalyptasyp, damýyna úlken úles qosty. Sol kezeńde qabyldanǵan zańdar memlekettiligimiz ben táýe­lsizdigimizdiń nyǵaıýy­na tikeleı yqpal etkeni anyq. Osy istiń bárinde О́mirbek Baıgeldiuly naǵyz otanshyldyqtyń, ultqa qyz­met etýdiń ozyq úlgisin kór­setti», dedi Palata tóraǵasy.

Aıta keteıik, О́mirbek Baı­geldi Senatta 16 jyldan astam ýaqyt eńbek etti. Ol Par­lament Senatynyń birinshi, ekinshi, úshinshi jáne tórtinshi shaqyrylymynda depýtat boldy.

Otyrys barysynda senatorlar Ábdirashıd Júkenov pen Záýre Keıkibasovany Joǵar­ǵy sot sýdıasy qyzmeti­nen bosatty. Memleket bas­shy­­synyń usynýyn qaraǵan Pa­lata depýtattary osyndaı sheshim qabyldady. Usy­nyl­ǵan kandıdatýralar aldyn ala Konstıtýsııalyq zań­nama, sot júıesi jáne quqyq qorǵaý organdary komıtetinde talqy­landy. Memleket basshy­synyń usynýyn Joǵary Sot Keńesiniń tóraǵasy Denıs Shıpp jarııalady.

Sonymen qatar Palata otyrysynda depýtattar «Eýra­zııalyq ekonomıkalyq odaqqa múshe memleketterde ǵylymı dárejeler týraly qujattardy ózara taný týraly kelisimdi ratıfıkasııa­laý týraly» zańdy qarap, maquldady. Kelisimge sáıkes fılosofııa doktory (PhD), beıini boıynsha doktor, ǵylym kandıdaty jáne ǵy­lym doktory sııaqty ǵylymı dárejeler týraly qujattar rastaýsyz tanylady. Mundaı qujattardyń ıeleri ǵylymı dárejesi úshin ústeme­aqy talap etken jaǵdaıda erek­shelik qarastyrylǵan. Son­daı-aq zań normalary ǵy­lymı kadrlarmen almasý­dy yntalandyrýǵa jáne EAEO-ǵa múshe elderdiń bilim berý júıelerin ıntegrasııalaýǵa, ýnıversıtetter men zertteý ınstıtýttary arasyndaǵy ǵy­lymı baılanystardy ny­ǵaıtýǵa arnalǵan.

Sondaı-aq senatorlar «Qazaq­stan Respýblı­kasy­nyń Úkimeti men Qyrǵyz Res­pýblıka­synyń Mınıstr­ler Kabıneti arasyndaǵy avıa­sııalyq izdestirý jáne qutqarý salasyndaǵy yntymaqtas­tyq týraly kelisimdi ratıfıkasııalaý týraly» zańdy maquldady. Palata tóraǵasy atap ótkendeı, qazirgi tańda qazaq-qyrǵyz qarym-qatynasy barlyq salada qarqyndy damyp keledi. Maquldanǵan zań osyndaı tıimdi baıla­nys­tyń bir nátıjesi ekeni sózsiz. Kelisimdi ratıfıkasııalaý Qazaqstan men Qyrǵyzstan aýmaqtarynda avıa­sııalyq iz­destirý jáne qut­­qarý ju­mys­taryn jedel uıym­das­tyrý­ǵa, osy saladaǵy eki­jaq­ty yn­tymaqtastyqty odan ári ny­ǵaıtýǵa yqpal etpek.

«Kelisim eki memlekettiń avıasııalyq izdestirý jáne qut­qarý salasyndaǵy ynty­maq­tastyǵyn nyǵaıtýdy kóz­deıdi. Zań avıasııalyq oqı­ǵa týyndaǵan jaǵdaıda tarap­tardyń birlesken is-qımylyn, sondaı-aq oqý-jattyǵýlar ótkizý jáne aqparat almasý­dyń jekelegen máselelerin retteıdi. Aldaǵy ýaqytta bul Kelisim eki el arasyndaǵy qarym-qatynastardy odan ári damytýǵa oń septigin tıgizedi dep senemiz», dedi M.Áshimbaev.