Oqıǵa ornyna quzyrly organdardyń mamandary kelip, tergeý aldy tekserý jumystaryn bastady. Aıta keteıik, tabylan súıekter dástúrge sáıkes qaıta jerlenedi.
«Eski Saraıshyqta adam súıeginiń tabylýy jańalyq emes. О́ıtkeni, ortaǵasyrlyq Saraıshyqta úlken qorym bar ekeni barshamyzǵa belgili. Arheologııalyq zertteý barysynda da, tipti eski Saraıshyq aýyly ishinde túrli jumystar barysynda da adam súıekteri jıi kezdesip jatady. Al búgingideı, halyqty sý tasqynynan qorǵaý maqsatynda jasalyp jatqan úlken jumystar kezinde Jaıyq jaǵalaýynda adam súıekteriniń jer betine shyǵýy, árıne, zańdylyq. Ádette, mundaı habar jetken boıda mamandar óz jumystaryn atqaryp, olardy zerdelep, jer qoınyna salt-dástúrimiz boıynsha tapsyrady», dedi «Saraıshyq» mýzeı-qoryǵy dırektory Muhtar Ábilseıit.
Aıta ketý kerek, buǵan deıin Atyraý oblysynda tabıǵı sıpattaǵy tótenshe jaǵdaı rejımi jarııalanǵan edi. Qazirgi tańda Jaıyq boıynda ornalasqan Mahambet, Inder aýdandarynda jáne Atyraý qalasynda bóget turǵyzý, jaǵa bekitý jumystary qarqyndy júrip jatyr.
