Osy ótkeldiń arqasynda 58012 áskerı bólimniń áskerı qyzmetshileri 150 adamdy evakýasııalap, 3 tonna júk tasymaldady. Ponton kópiri 60 tonna júkti tasymaldaı alady.
El Prezıdenti – Qarýly kúshter Joǵarǵy Bas qolbasshysynyń nusqaýyna sáıkes Qorǵanys mınıstrligi halyqqa kómek kórsetý úshin «Batys» óńirlik qolbasshylyǵynyń áskerı bólimderinen qosymsha 300 áskerı qyzmetshini jiberdi. Atyraý oblysynda Qulsary qalasynan 30 shaqyrym jerde Jem ózeninen ótý úshin «Batys» óńirlik qolbasshylyǵynan quramynda 7 áskerı qyzmetshi bar saperler komandasy muzdy jardy.
41433 jáne 99116 áskerı bólimderiniń áskerıleri Oıyl ózeninde, sondaı-aq Qulsary qalasynda, Inder aýdanynyń Qarabaý aýylynda sý basý qaýpi basym jerlerdiń jaǵalaýyn kúsheıtý sharalaryn iske asyrdy.
Elimizdiń úsh óńirinde apattan qutqarý sharalaryna aýmaqtyq qorǵanys brıgadalarynyń jeke quramy tartyldy. Qostanaı qalasynda 99260 áskerı bólimniń 129 áskerı qyzmetshisi Tobyl ózeniniń jaǵalaýyn kúsheıtýge atsalysty. Petropavl qalasynda 99275 áskerı bólimi jeke quramynyń 30 adamy sý arnasy aýdanynda osyndaı jumys júrgizdi. Batys Qazaqstan oblysynda Oral qalasynan bes shaqyrym jerdegi Melovye gorkı aýylynda 99250 áskerı bólimniń 52 jaýyngeri qum salynǵan qaptar daıyndady.
Aqtóbe qalasynda Áýe qorǵanysy kúshteri áskerı ınstıtýtynyń 167 adamnan quralǵan jeke quramy Qarǵaly ózeniniń arnasyn nyǵaıtý jumystaryna jumyldyryldy.
Sońǵy táýlikterde sý tasqynyna qarsy sharalarǵa 884 áskerı qyzmetshi, 46 kólik, 4 tikushaq jáne ushaq jumyldyryldy. Áskerı qyzmetshiler qum salynǵan 25000 qap daıyndap, tósedi. Jergilikti bılik, qutqarýshylar jáne halyq arasynan 74 adamdy, onyń ishinde evakýasııalanǵan 5 adamdy tasymaldaýǵa Áýe qorǵanysy kúshteriniń ushqyshtary kómek kórsetti.
27 naýryz ben 6 sáýir aralyǵynda jalpy sany 2128 áskerı qyzmetshi, 105 avtotehnıka, 15 tikushaq, 4 áskerı-kólik ushaǵy jumyldyryldy. Sý basqan aımaqtarda Qostanaı, Abaı, Batys Qazaqstan, Aqtóbe oblystarynda 2127 adam, onyń ishinde 625 bala evakýasııalandy. 80 tonnaǵa jýyq júk tasymaldandy. 79 myńnan astam qum salynǵan qap daıyndalyp, tóseldi, 1700 metrden astam aǵyn sý kárizi tazartyldy.
Bul jumystar TJ joıý jónindegi respýblıkalyq jáne oblystyq jedel shtabtarmen birge júrgizilip jatyr.
