Foto: N.Baıbýlın
Palata Tóraǵasy Grýzııadan kelgen áriptesine iltıpat bildirip, onyń sapary eki el yntymaqtastyǵyna tyń serpin beretinin aıtty.
«Grýzııa – Qazaqstannyń Ońtústik Kavkaz óńirindegi mańyzdy seriktesi. Sizdiń saparyńyz parlamentaralyq ózara is-qımylymyzdy, sondaı-aq, elderimiz arasyndaǵy yntymaqtastyqty odan ári damytýǵa tyń serpin beredi dep senemin. Sońǵy jyldarda saýda-ekonomıkalyq salasynda belgili bir nátıjege qol jetkizdik. Túrli baǵyttaǵy yntymaqtastyqty nyǵaıtý jolyndaǵy mindetterdi iske asyrýǵa Parlamentter tarapynan da yqpal ete alamyz», dedi Máýlen Áshimbaev.
Kezdesýde sondaı-aq týrıstik, kóliktik-logıstıkalyq jáne basqa salalardaǵy yntymaqtasty arttyrý máseleleri talqylandy.
Senat Spıkeri Memleket basshysynyń bastamasymen Qazaqstanda iske asyrylyp jatqan keshendi áleýmettik-ekonomıkalyq jáne saıası reformalarǵa, sondaı-aq, Senattyń zań shyǵarý qyzmetine de toqtaldy. Atap aıtqanda, jańa ekonomıkalyq úlgi qalyptastyrýǵa jáne eldiń ınvestısııalyq ahýalyn jaqsartýǵa arnalǵan sharalar týraly sóz boldy.
О́z kezeginde Shalva Papýashvılı kópjaqty qatynastardy damytýǵa múddeli ekenin bildirip, Qazaqstandaǵy saıası transformasııanyń tıimdiligin tilge tıek etti.
