Qazaqstannyń Eńbek Eri bıyl 87 jastan asyp barady. "Jasym keldi, belim búgildi" demesten, Jaıyqtyń jaǵasyndaǵy tasqynmen kúresýge jastarmen teń kúsh salyp, qolyna kúrek ustap júr.
Qarǵyn sýdyń qaýpi tóne bastaǵan tusta Jaqanov aqsaqal da Jaıyq ózeniniń jaǵalaýyndaǵy osal tustardy bekitý úshin stýdentterimen teń bóget salýǵa barypty. Barǵanda da, birli-jarym sýretine túsip, ketip qalmaı, bastan-aıaq júrgen.
- Tirshilik nári – Jaıyǵymyz arnasy aspasa eken, el qıyndyqqa tap bolmasyn dep tileımin. Qazir sý tasqyny Atyraý oblysyna ǵana emes, birneshe óńirge qaýip tóndirdi. Sol sebepten, bóget salyp jatqan jastardy qoldaýǵa keldim. Elimizdi qıyndyqtan birligimizben ǵana qorǵaı alamyz, - deıdi Ilııa aqsaqal Jaqanov.
