Asqarlarǵa bastaıtyn aıtýly kún

«О́rleý» AQ Aqmola oblystyq pedagog kadrlarynyń biliktiligin jetildirý ınstıtýtynda Tuńǵysh Prezıdent kúnine arnalǵan dóńgelek ústel májilisi bolyp ótti. Onyń jumysyna Kókshetaý qalasynyń qurmetti azamattary, qoǵamdyq birlestikter ókilderi, joǵary oqý oryndary men kolledjderdiń jáne atalǵan ınstıtýt oqytýshylary qatysty. Instıtýt dırektory, Ha­lyq­­aralyq aqparattandyrý aka­­demııasynyń múshe-kor­res­pondenti, qalalyq más­lıhat­tyń depýtaty Erkin Isim­baev óz sózinde Tuńǵysh Pre­zıdentimizdiń orasan zor eńbegin Qazaqstannyń jedel órkendeý arqyly álemniń ozyq memleketteri qataryna qoıy­lýymen baılanystyrdy. Elimiz Táýelsizdik jyldarynda ǵasyrǵa tatyrlyq abyroıly asýlar bıi­ginen kórine bildi. Bul oraıda, tú­begeıli ári jarqyn ózgerister Elbasymyz N.Nazarbaevtyń memleket qurýdaǵy salıqaly saıasaty, kóregendik bastamalary nátıjesinde júzege asqanyn maqtanysh jáne búkilhalyqtyq alǵys sezimimen pash etemiz. Bú­gingi kúrdeli kezeńde eko­no­mıkalyq, áleýmettik jańǵyr­týlar negizindegi ıgi qadamdar qazaqstandyq úlgi modelin alǵa shyǵaryp otyrǵany bola­shaǵymyzdyń jarqyndyǵyn aı­qyndaıdy. – 1991 jyldyń 1 jeltoq­sa­nynda búkilhalyqtyq saılaý arqyly bizdiń elimiz óziniń Tuńǵysh Prezıdentin saılady jáne sol sátten Táýelsiz Qazaqstannyń tarıhy bastaldy, – dedi Aqmola oblystyq ishki saıasat basqarmasynyń basshysy Aına Mysyrálimova. – Bul jańa ómirdi óz qoldarymen jasap jat­qan kópultty halqymyzdy asqarlarǵa bastaıtyn mańyzdy sát ekendigi dáleldenip otyr. Siz­derdiń barshalaryńyzdy, ob­lys jurtshylyǵyn Tuńǵysh Prezıdent kúni meıramymen quttyqtaımyn. Oblystyq pedagog kadr­la­r­dyń biliktiligin jetildirý ınstıtýty dırektorynyń orynbasary, pedagogıka ǵylymdarynyń magıstri Aısulý Aqysheva, Sh.Ýá­lıhanov atyndaǵy Kókshetaý memlekettik ýnıversıtetiniń oqytýshysy Ǵalymtaı Tólep­bergenov, A.Myrzahmetov atyn­­daǵy ýnıversıtettiń kafedra meńgerýshisi Ardaq Qapy­shev qosymsha baıandamalaryn­da elimizdiń Qazaqstan Respýb­lıkasynyń Tuńǵysh Prezıdentiniń basshylyǵymen táýelsizdik dińgegin tikteýdegi qaryshty qadamdardyń mańyzdy kezeńderine taldaý jasady. El ómirindegi aıtýly merekeniń erekshelikteri jóninde Kókshetaý qalasy ardagerler keńesiniń tóraǵasy Rústem Sherııazdanov, Kókshetaý qala­synyń qurmetti azamaty Zýra Shýataeva, abyz qarııa Farýk Bagapov Táýelsizdiktiń alǵashqy jyldarynda Elbasy Nursultan Nazarbaevpen kezdesý kezindegi áserlerimen bólisti. Sondaı-aq, etnomádenı bir­lestikterdiń jetekshileri R.Sýl­karnaev, A.Artemenko, Aýǵan so­­­ǵysy ardagerleri keńesiniń múshesi Q.Qosmaǵambetov, №1 tehnıkalyq kolledjiniń oqýshysy A.Sıngalıdı óz sózderinde ultaralyq kelisim men beıbit ómirimizdiń kepili retinde Tuńǵysh Prezıdentimizdiń kóregendik saıasatyna joǵary baǵa berdi. Kezdesýde «Elbasynyń feno­meni» beınefılminiń kórsetilýi merekelik saltanattyń árin asha tústi. Baqbergen AMALBEK, «Egemen Qazaqstan». KО́KShETAÝ.