foto: gov.kz
Qasym-Jomart Toqaev Armenııamen mádenı-gýmanıtarlyq baılanys odan ári nyǵaıatynyn aıtty.
«Bıyl Qazaqstanda Armenııanyń mádenıet kúnderi ótedi. Bul mańyzdy is-shara qos halyqty jaqyndata túsetini sózsiz. Ásirese, rýhanı baılanystarymyzdy jandandyrmaq. Sondaı-aq qurmetti Armenııa Premer-mınıstrimen Erevan qalasy kósheleriniń birine uly Abaıdyń esimin berý týraly kelisimge keldik. Al Astananyń bir kóshesine armıan álipbıiniń negizin qalaýshy, áýlıe Mesrop Mashtostyń aty beriledi. Oǵan qosa armıan qarpimen jazylǵan qypshaq tilindegi qoljazbalardy zertteıtin ǵylymı top qurý týraly bastamany quptadyq. Ony Eýrazııa ulttyq ýnıversıteti jáne Erevan memlekettik ýnıversıteti birlesip júzege asyrady», dedi Prezıdent.
Sonymen qatar Qasym-Jomart Toqaev armıan sportshylaryn qyrkúıek aıynda elimizde ótetin besinshi Dúnıejúzilik kóshpendiler oıyndaryna qatysýǵa shaqyrdy.
