Foto: instagram.com/muratsavelie
4 sáýir kúni Jánibek áleýmettik jelidegi paraqshasynda asyrap alǵan anasy Valerı Maıorkaǵa kelýdi josparlap otyrǵanyn, osy sapar barysynda ózin jáne qazaq halqyn tolǵandyryp otyrǵan birneshe saýalǵa tikeleı jaýap alý múmkindigi týǵanyn habarlap, suraq qoıýdy ótingen edi.
Jánibektiń asyrap alǵan anasymen 6 mınýtty quraǵan suhbaty barysynda buǵan deıin kópshilikke beımálim bolǵan derekterdiń beti ashyldy.
Valerı Qazaqstannan bala asyrap alý týraly aqapartty alǵash ret Belgııadaǵy tanys áıeli arqyly estigen.
Ol Arqalyqtaǵy balalar úıinen Jánibek týraly aldyn ala aqparat aldyryp, bilip barǵan eken. Alaıda mejeli orynǵa jetkende eshteńeden habarsyz keıip tanytqan. Sol ýaqytta Valerıden solaı jasaýy suralǵan.
Sondaı-aq aradaǵylar Jánibekti asyrap alǵan anadan 12 myń dollar alǵan.
Valerı Arqalyqqa barýyn, sol ýaqytta kimniń úıin panalaǵanyn ashyq aıtyp berdi.
«Men seni asyrap alý úshin 12 myń dollar tóledim. Bala asyrap alý úshin aqsha berý kerek ekenin Belgııada bildim. Biraq onyń zańsyz ekenin bilmedim. Arqalyqtaǵy balalar úıinde amerıkalyqtardan 20 myń dollar qolma qol suratqanyn da bildim», dedi Valerı.
Ol Qazaqstannan bala asyraý úshin eki aı boıy qujat daıyndaǵan.
«Qurmetti áke-analar, aǵa-ápkeler. Asyrap alǵan anam Valerıdiń atynan suraqtaryńyz ben tilekterińizge alǵys aıtqym keledi. Bul suhbatta ótken oqıǵalar týraly egjeı-tegjeıli aıtyldy, sonymen qatar jańa aqparat ta bar.
Bul 6 mınýttyq suhbatta kóptegen suraqqa jaýap berildi dep oılaımyn. Biz buryn bilmegen málimetter de shyqty. Emosıonaldy sátter de boldy. Qurmetti dostar, bul birneshe saýaldyń jaýaby. Biraq aldaǵy ýaqytta eń mańyzdy suraqtyń da jaýabyn tabamyn dep úmittenemin. Anashym, sen qaıdasyń?», dep jazdy Jánibek.
