foto: Almaty ákimdiginiń baspasóz qyzmeti
«Almaty ákimi Erbolat Dosaevtyń ókimimen Prezıdent Ákimshiliginiń kelisimi boıynsha Beıbit Shahanov Almaty qalasy ákiminiń orynbasary qyzmetine taǵaıyndaldy», delingen habarlamada.
Beıbit Shahanov 1979 jyly dúnıege kelgen. Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetin bitirgen. Sonymen qatar Qazaq memlekettik zań ýnıversıtetin, Qazaq kommersııalyq-qarjy akademııasyn, Lankaster ýnıversıtetin (Ulybrıtanııa) támamdaǵan.
Eńbek jolyn 2002 jyly Tabıǵı monopolııalardy retteý agenttiginiń monopolııaǵa qarsy zańnamanyń saqtalýyn baqylaý bóliminiń jetekshi mamany bolyp bastaǵan.
Osy jyldary Qarjy mınıstrliginiń, Bilim jáne ǵylym mınıstrliginiń, Qorshaǵan ortany qorǵaý mınıstrliginiń qurylymdyq bólimshelerinde basshylyq qyzmetterdi atqarǵan.
2015-2022 jyldary Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq jáne jer resýrstaryn basqarý komıtetinde, Investısııalar jáne damý mınıstrliginde, Indýstrııa jáne ınfraqurylymdyq damý mınıstrliginde jumys istegen. Almaty qurylys basqarmasynyń bastyǵy bolyp jumys istedi.
2023 jyldyń mamyr aıynan bastap qazirgi taǵaıyndalǵanǵa deıin Almaty qalasy ákimi apparatynyń jetekshisi qyzmetin atqardy.
