Úkimet • 16 Sáýir, 2024

Úkimet tasqynǵa qarsy kúres qarqynyn arttyrdy

142 ret

kórsetildi

1 mın

oqý úshin

Úkimet Qazaqstannyń batys jáne soltústik óńirlerindegi aýqymdy sý tasqynyn boldyrmaý jáne onyń saldaryn joıý úshin qajetti kúshter men quraldardy jumyldyrdy. Búgingi tańda apatty-qutqarý jumystaryna TJM, Qorǵanys mınıstrligi, IIM, UQK, MKQ, ákimdikter men uıymdardan 34 myńnan astam adam, 4 myńnan astam tehnıka, 890 sorǵy jáne 335 júzý quraly, 19 áýe kemesi tartyldy, dep habarlaıdy Egemen.kz Úkimettiń baspasóz qyzmetine silteme jasap.

Shyńǵys MUQAEV

Úkimet tasqynǵa qarsy kúres qarqynyn arttyrdy

Foto: Úkimettiń baspasóz qyzmeti

Tasqyn bastalǵaly beri Batys Qazaqstan, Atyraý, Aqtóbe, Qostanaı, Soltústik Qazaqstan oblystaryna Aqmola, Almaty, Qaraǵandy, Pavlodar, Túrkistan jáne basqa oblystardan 1 myńnan astam arnaıy tehnıka men jeke quram jiberildi.

Zardap shekken óńirlerge jiberilgen qosymsha 500-den astam arnaıy tehnıka 2 táýlik ishinde jetýge tıis.

Osy oraıda jergilikti jerlerde ózender men sý aıdyndary mańynda ornalasqan eldi mekenderdi qyzyl sýdan qorǵaý boıynsha qajetti jumystar júrgizilip, qorǵanys qurylystary men bógetter salynyp, erigen qar sýyn shyǵarý qolǵa alynyp, ınertti materıal toltyrylǵan qapshyqtar tóselip jatyr.

Aerovızýaldy tekserý men drondardyń kómegimen ózenderdegi jáne sý qoımalaryndaǵy ahýalǵa táýlik boıy monıtorıng júrgizilip jatyr.

Úkimet