«Otbasy banki» AQ Basqarma tóraǵasy Lázzat Ibragımova ótken jyldyń qarasha aıynda 299 579 depozıt ashylǵanyn, tipti 1 jasqa tolmaǵan balalarǵa da 12 721 depozıt ashylǵanyn aıtqan. Al 5 jasqa deıingi balalarda 50 140 depozıt bar. Mysaly, banktiń Shymkenttegi fılalynda 1 jasqa tolmaǵan balalarǵa – 679, Almatyda – 642 depozıt ashylǵan.
«Bizde vıdeobankıng syndy qural bar. Úıden shyqpaı-aq onyń kómegimen depozıt asha alasyz. Osyndaı jas salymshy ata-analar Qazaqstannyń sıfrlandyrýdaǵy jetistikterin qoldanyp, 7 232 depozıt ashty. Qazirgi ýaqytta depozıt ashýda vıdeobankıng arqyly sıfrlyq formatqa den qoıyp jatyr», dedi Lázzat Ibragımova.
Balasy memlekettik grantqa oqýǵa túse almaı qalǵan jaǵdaıda, kóptegen ata-ana ony JOO-da nemese kolledjde oqytý úshin qarajat tappaı qınalyp jatady. Kóp jaǵdaıda bireýden qaryz surap, bolmasa bankten paıyzy joǵary nesıe resimdeýge májbúr bolady. Ekinshi deńgeıli bankter balalardyń qamsyzdandyrý maqsatynda arnaıy depozıtti aınalymǵa shyǵara bastady.
Bizdiń búgingi keıipkerimiz bir otbasynyń 8 balasyna Otbasy bankten «AQYL» depozıtin ashqan Taraz qalasynyń turǵyny - Aıken Esimova. Bul kórsetkish, ázirge, el kóleminde alǵash tirkelip otyr.
A.Esimova bizben áńgimesinde 4 bala óziniń, qalǵany baýyrlarynyń balalary ekenin aıtty. Bul sheshim otbasylyq keńeste talqylanyp, sheshilgen másele. Sebebi bala men aqsha teorııasy – qoǵamda ıgerilmegen keńistik. Jeke bank shotynda qarjy jınalyp jatqanyn bilip ósken balanyń ony tıimdi basqarý týraly paıymy da ózimen birge ózgeredi, jetiledi.
«Jaqynda 6 jastaǵy balasynyń atyna 10 mln teńge jıǵan ata-ananyń tájirıbesi týraly qyzyqty aqparat oqydym. Men bizdiń bankke kelip depozıt jınap júrgen bir otbasyny bilemin. Menińshe, bul jaqsy úrdis ári úlgi bolýy tıis. Bala mektepti nemese JOO-ny bitirgen kezde onyń atynda jeke páter bolady», deıdi A. Esimova.
AQSh-taǵy avtokólikterdi jalǵa beretin «Rent-A-Car» kompanııasynyń negizin qalaǵan Teılor Baıron Trot AQSh tarıhynda aýqatty otbasylardyń balalarynyń býhgalterııasyn úılestirýdi ǵylymı negizdep berdi. Keıin ol muny kásipke aınaldyryp, birneshe shtattardan enshiles kompanııalaryn ashyp, balalardyń qalta shyǵyny týraly kitap jazǵan.
Trot ata-analardyń basty kemshiligi retinde balalarymen tabysy týraly ashyq áńgimelespeıtinin atady. Onyń paıymdaýynsha, «Balaǵa aqsha sanaýdy ómirdiń ózi úıretedi» degen pikir durys emes. Bireýge senip, bireýge arqa súıep qalǵan adam eshqashan damymaıdy. Sondyqtan, bala jastan qarjylyq saýatyn qalyptastyrýymyz kerek. Eki aradaǵy baılanystyń erte bastalǵany eki jaqqa da tıimdi eken.
«Joldasymmen aqyldasyp, otbasylyq bıýdjetten artylǵan azyn-aýlaq qarjyny tórt balaǵa bólip, depozıt ashýǵa sheshim qabyldadyq. Onyń aıtýynsha, «balany tabysyńyzǵa táýeldi etkińiz kelmese, aqshany qalaı jumsaýdy kishkentaıynan úıretińiz», degendi bala jastan estip óstik. Sebebi balanyń aqshaǵa qyzyǵýshylyǵy ǵana emes, satyp alýǵa bolatyn, bolmaıtyn zattarǵa kózqarasy da osy jastan jetiledi eken. «Otbasy Banktiń» sharttary kóńilimizden shyqty. Bank menedjeri Aqbota Búrkitbaevamen aqyldasqannan keıin kóńilde kúmán qalmady. Ýaqyt óte kele, qarjyny kóbirek salamyz dep úmittenemin. Bul qarjynyń kúni erteń balalarymyzdyń bir qajettiligin óteıtinine senemin. Eń bastysy balalar ózderiniń atyna depozıt ashylǵanyn biledi», deıdi Aıken Esimova.
A.Esimova bizben áńgimesinde bizdiń elde mınıstrdiń balasynyń holdıngti basqaratyny, ákimniń balasynyń Prezıdent apparatynda otyratyny qalypty qubylysqa aınalǵanyn aıtty. Aqsha sanaý nemese ony únemdeý, aqshany aqshaǵa jumys istetýdi otbasynda bilmeı, kórmeı ósken balanyń qarjyny úılestirip otyrýy qıyn. Bizdiń elde de balanyń qarjylyq saýattylyǵy, aqsha ustaı bilýi týraly másele tereń zerttelýi kerek. Oǵan jańa kózqaras kerek.
«Balalarym áli kishkentaı demeımin. Banktik shottaǵy qarjysynyń paıyzdyq mólsheri, basqasha aıtqanda aqshasynyń qansha aqsha taýyp otyrǵanyn aıtyp beremin. Balanyń qarjylyq saýattylyqqa jeteleıtin áńgime osyndaı naqty áreketterden bastalýy tıis. Buryn aqshamnyń ústindegi tabysty ózime ber deıtin balam sońǵy kezderi «jınalyp tura bersin» degendi aıtatyn boldy», deıdi A. Esimova.
Bank qyzmetkeri Aqbota Búrkitbaevanyń aıtýynsha, qazir balalarynyń atyna depozıt ashý bank segmentinde endi qalyptasyp kele jatqan úrdis. «Kámelettik jasqa jetkenshe jıǵan qarjy ınflıasııaǵa jutylyp ketedi» degen kúdik seıilgen. Salymshylar depozıttiń paıyzy jyldyq ınflıasııa deńgeıinen joǵary turatynyn jaqsy biledi.
Sondaı-aq ol bizben áńgimesinde «AQYL» bilim berý jınaqtaý depozıti keminde 3 jyl nemese 5 jyl merzimge ashylýy múmkin ekenin aıtyp berdi. Eger depozıt keminde úsh jyl merzimge ashylǵan bolsa, onda depozıt mólsherlemesi jyldyq 12% quraıdy (GESV 13.1% deıin). Eger depozıt 5 jyldan kem emes merzimge ashylǵan bolsa, onda depozıt mólsherlemesi 9.5% quraıdy (GESV 10.1% deıin). Banktiń eseptelgen syıaqysy aı saıyn kapıtaldandyrylady. Salym merzimi aıaqtalǵannan keıin ol avtomatty túrde jańartylady. Eger bala grant alsa, onda «AQYL» depozıtindegi jınaq aqsha keıinnen alynyp, kez kelgen maqsatqa, sonyń ishinde turǵyn úı satyp alýǵa jumsalýy múmkin.
Sondaı-aq balalardyń bilim alýy úshin memleket jyl saıynǵy syılyqaqy taǵaıyndaý arqyly únemdeýge kómektesedi. Salymshylardyń barlyq sanattary úshin ol 5%-dy quraıdy. Al jetim balalarǵa, ata-anasynyń qamqorlyǵynsyz qalǵan balalarǵa, múgedek balalarǵa, kóp balaly jáne jan basyna shaqqandaǵy ortasha tabysy azyq-túlik sebetinen tómen otbasylardan shyqqan balalar úshin ashylǵan depozıtter boıynsha 7 paıyz kóleminde memlekettik syılyqaqy alynady. Memlekettik syılyqaqy 1 jyl eń az jınaqtaý merzimimen esepteledi, ıaǵnı memleket syılyqaqysy eseptelýi úshin salymnyń depozıttegi merzimi bir jyl bolýy kerek.
Depozıt ashý kezinde mindetti bastapqy jarna mólsheri 3 AEK nemese 11 076 teńgeni quraıdy (2024 j.). Bolashaqta aı saıynǵy salymdy tolyqtyrý somasyn salymshy derbes anyqtaıdy.
Anyqtama úshin: «AQYL» depozıtiniń maqsaty – balalaryńyzǵa da, ózińizge de oqýǵa qarajat jınaý. Onyń kómegimen otandyq nemese sheteldik bilim berý uıymdarynda oqý aqysyn tóleýge bolady.
«AQYL» depozıtin Baspana market portalynda (otbasybank.kz), bank bólimshelerinde, keńesshilerdiń kómegimen nemese banktiń hcsbk.kz saıtyna kirip, beıneqońyraý arqyly ashýǵa bolady. Memlekettik bilim berý jınaqtaý júıesi (MBJJ) – Qazaqstan Respýblıkasynyń kez kelgen azamaty úshin óziniń nemese balasynyń atyna bilim berý jınaqtaý salymyn ashyp, ony bolashaqta Qazaqstanda jáne shetelde kásiptik tehnıkalyq jáne joǵary bilim alý úshin oqýdyń aqysyn tóleýge qolaıly múmkindik.
AQYL bilim berý depozıtin ashý úshin eki-aq qujat qajet:
Sondaı-aq «AQYL» depozıti 2024 jyldyń 6 aqpanynan bastap Otbasy Bank-tiń jańa mobıldi qosymshasynda qoljetimdi bolady. Ol úshin App store/Play market dúkeninen «Otbasy bank lite» mobıldi qosymshasyn júktep alý qajet.
Salymshynyń bir belsendi bilim berý depozıtinen artyq bolmaýy múmkin. «AQYL» bilim berý jınaqtaý salymy memleket pen úshinshi tulǵalar tarapynan ósimpuldardan qorǵalǵan, sonymen qatar ol Qazaqstannyń depozıtterge kepildik berý qorymen saqtandyrylǵan. Grant alǵannan keıin jınaq salymy jabylyp, barlyq jınaq somasy, onyń ishinde memleket syılyqaqysy alynýy múmkin. Sondaı-aq Ulttyq qordan alynǵan jınaq aqshamen «Otbasy bankindegi» «AQYL» depozıtin toltyrýǵa bolady. Bıyl 18 jasqa tolǵan Qazaqstan azamattary bul tólemderdi basqara alady. Atalǵan AQYL bilim berý depozıtine bankten paıyzdar (bankke baılanysty) jáne 5% nemese 7% memleketten jyl saıyn syılyqaqy esepteledi.
Memleket syılyqaqysy jyl saıyn banktiń syıaqylarymen birge eseptegendegi salymdaǵy jalpy somaǵa, biraq bir jylda 100 AEK-ten aspaıtyn mólsherde aýdarylady:
- 7% basymdylyqty sanattaǵylar úshin: jetim balalar, ata-anasynyń qamqorlyǵynsyz qalǵan balalar, múgedekter, kóp balaly otbasynan shyqqan jáne az qamsyzdandyrylǵan otbasylardan shyqqan balalar;
- 5% basqa sanattaǵy QR azamattary úshin.
Mınımaldy bastapqy jarna - 3 AEK.
Jınaqtaý merzimi - 3 jyldan 20 jylǵa deıin.
Muny «Balalarǵa arnalǵan ulttyq qor» jobasy aıasynda enpf-otbasy.kz platformasynda jasaýǵa bolady.
ALMATY
