Foto: imghub.ru
Bıbigúl Jeksenbaı Zańda shegýge kelmeıtin temeki ónimderin, veıpterdi, hosh ıistendirgishterdi jáne olarǵa arnalǵan suıyqtyqtardy satýǵa, taratýǵa, sondaı-aq olardy jarnamalaýǵa tyıym salý qarastyrylǵan (Bul norma resmı jarııalanǵannan keıin 60 kún ótken soń qoldanysqa engiziledi). Sonymen birge, jastar arasynda quramynda nıkotıni bar zattardyń taralýynyń aldyn alý jáne oǵan qarsy kúresý úshin júıeli sharalar qabyldaýǵa Zań múmkindikter beredi. Bul zań arqyly óskeleń urpaqtyń densaýlyǵyn saqtaý baǵytynda memlekettik keshendi qadam jasalyp otyrǵanyn aıtty.
«О́zderińiz biletindeı, keshegi pandemııa kezinde aq halatty abzal jandar óz ómirlerin qaterge tige ár naýqastyń jany úshin kúreske shyqty. Medısına mamandarynyń qoǵamdaǵy mańyzdylyǵy kún saıyn artyp keledi. Alaıda, saılaýshylarmen kezdesý barysynda dál osy medısına mamandarynyń tarapynan quqyqtyq-qarjylyq máseleler jıi kóteriledi. Onyń birsypyrasyn ózim de depýtattyq saýal túrinde Úkimetke joldaǵan da edim.
Memleket basshysy qol qoıǵan Zań medısına qyzmetkerlerin quqyqtyq jáne qarjylyq turǵydan qorǵaý júıesin engizýge jáne olardyń jaýapkershiligin arttyrady.
Zań arqyly medısına qyzmetkerleriniń kásibı jaýapkershiligin saqtandyrý tetigi engizildi (Zań resmı jarııalanǵannan keıin 6 aı ótken soń qoldanysqa enedi).
Sonymen qatar medısına qyzmetkerlerin qoldaýǵa baǵyttalǵan túzetýler qabyldandy.
Atap aıtqanda:
turǵylyqty jeri boıynsha mektepke deıingi uıymdardan balalary úshin basym tártippen oryn alý, kásibı qyzmetine zańsyz aralasýdan jáne kedergi keltirýden qorǵaý, mamandyǵyna qurmetpen qaraý, medısınalyq mamandyǵy boıynsha áskerı qyzmetin ótkerý nemese áskerı qyzmetke shaqyrýdy keıinge qaldyrý quqyqtary berildi;
«Qazaqstannyń eńbek sińirgen dárigeri» qurmetti ataǵy – memlekettik nagradasy belgilendi.
Jasyratyny joq, dárigerler naýqas jannyń jaǵdaıynan buryn kompıýterge telmirip nemese qaǵazǵa shuqshıyp tolassyz esep jazýdan bas kótermeıtin bolǵan edi. Dáoigerlerdi jańa zań qaǵazbastylyqtan birsypyra aryltatyn boldy.
basy artyq esep nemese aqparat berýden bosatý úshin densaýlyq saqtaý salasyndaǵy ýákiletti organ budan bylaı medısına qyzmetkerleri toltyrýǵa mindetti qujattama tizbesin bekitedi.
Aýyl-aýdandarda halyqty turaqtandyrýdaǵy negizgi faktordyń biri - sapaly mǵdısınalyq qyzmet. Alaıda, jergilikti jerlerde jekelegen medısınalyq mamandardyń tapshylyǵynan der kezinde durys dıagnoz qoıylmaı nemese úlken qalalarǵa azamattardyń sabylatyny belgili. Al, ondaı mamandyq ıelerin óńirlerge tartýǵa memlekettik qoldaý jetkiliksiz bolatyn.
Sondyqtan arnaıy zań sheńberinde, asa tapshy mamandyqty meńgergen medısına qyzmetkerleri aýyldyq jerge keminde 5 jyl jumys isteýge kelgen jaǵdaıda, oǵan eń tómengi jalaqynyń 100 eselengen mólsherinde birrettik aqshalaı tólem beriledi», dep jazdy senator.
