foto: Polisia.kz
Kýágerdiń aıtýynsha, keshke qaraı kórshi páterden erli-zaıyptylardyń janjaldasyp jatqany estilgen.
«Oǵan qosa balalardyń «áke, joq, kerek emes» dep aıqaılaǵany estildi. Men polısııa shaqyrdym. Olar tez áreket etti, biraq kelgenge deıin urys basylyp qaldy. Shaqyrýǵa kelgen polısııa qyzmetkerleri maǵan qaıta qońyraý shalyp, áıelin uryp jatqan er adamnyń páterde joq ekenin aıtty. Páterde tek balalary men áıeli qalǵan. Polıseılerdiń suraqtaryna jaýap bergen kelinshek arada janjal bolǵanyn joqqa shyǵardy. Keıin polıseıer maǵan «jalǵan qońyraý» úshin aıyppul salynýy múmkin ekenin (ÁQBtK-niń 438 baby 30 AEK - 110 myń teńge) habarlady», deıdi turǵyn.
Zańger Danııar Baıǵabatov polısııanyń shaqyrýy aryzǵa teń ekenin túsindirdi. Muny jasamas buryn dálel jınaý kerek.
«Polıseıler óz kezeginde sotqa deıingi sıpattaǵy barlyq áreketterdi - hattama jasap, saýalnama júrgizýi tıis. Eger siz kórshilerdiń ursyp jatqanyn estiseńiz, oqıǵany nemese dybystardy beınejazbaǵa túsirip alýyńyz kerek. Bul jazbany polısııaǵa tapsyrýǵa bolady, sonda sizdiń qońyraýyńyz jalǵan dep eseptelmeıdi», dep túsindirdi zańger.
