Basqosýǵa Áıelder isteri jáne otbasylyq-demografııalyq saıasat jónindegi ulttyq komıssııanyń músheleri, otbasy saıasaty jáne genderlik saıasat salasynyń sarapshylary, psıhologter men áleýmettanýshylar qatysty. Jınalǵandar otbasy ınstıtýtyn nyǵaıtý jáne qorǵaý, otbasylardyń rýhanı, adamgershilik jáne materıaldyq jaǵynan damýyna qolaıly jaǵdaı jasaý, otbasyndaǵy zorlyq-zombylyqtyń aldyn alý týrasynda pikir almasty.
«Búginde álemde nekelesetinderdiń sany azaıyp, kerisinshe ajyrasý úlesi artqan. Mundaı úrdisterdiń beleń alýy qoǵamdyq sananyń ózgerýine tikeleı baılanysty. Jyl ótken saıyn otbasylarda dáripteletin keıbir qundylyqtardyń mańyzy tómendeı bastaıdy. Bul tendensııany 3 urpaqty mysalǵa keltirip túsindirýge bolady. Iаǵnı X urpaǵy toptyq ómir saltyn qoldaıtyn bolsa, Z urpaǵy jeke tulǵa retinde damýdy áldeqaıda joǵary qoıady. Al Y urpaǵy aldyńǵy ekeýiniń ortasy bolǵandyqtan, kórsetkishterdi teńdeı bólgen. Otbasy qundylyǵy ózgerisiniń memlekettiń ishki jalpy ónim kólemine de yqpaly bar. О́ıtkeni otbasy – negizgi áleýmettik ınstıtýt retinde eldiń ál-aýqaty men turaqtylyǵyna tikeleı áser etedi», dep Nevzat Tarhan memleketindegi otbasy qundylyqtarynyń ózgerisin álemdik kórsetkishtermen salystyra baıandady.
Sarapshylar problemany sheshý joldaryn da jan-jaqty qarastyrdy. Osy rette Nevzat Tarhan sóz arasynda otbasy ınstıtýtynyń álsireýine sebep bolatyn taǵy bir problemanyń basyn ashyp kórsetti.
«Otbasy – mádenıetti, ádet ǵuryp pen salt-dástúrdi urpaqtan-urpaqqa jalǵastyrýshy ınstıtýt retinde de mańyzdy. Biraq qazir bul fýnksııany otbasy emes, televızııa atqaryp otyr. Bul da qoǵam normalarynyń ózgerisine ákeledi», dedi professor.
Is-shara otbasy, gender jáne demografııa saıasaty salasyndaǵy uıymdar men sarapshylardyń yntymaqtastyǵyn arttyrý maqsatynda uıymdastyrylǵan. Jıyn sońynda qatysýshylar ózara pikir almasyp, otbasy ınstıtýtyn nyǵaıtý jáne osy saladaǵy ózekti máselelerdi ońtaıly sheshý jónindegi usynystaryn jetkizdi.
