foto: ashyq derekkózden
Depýtattyń aıtýynsha, qazir nannyń baǵasy tym tómen bolǵandyqtan, halyq bul ónimdi baǵalamaıdy. Ol adamdardyń as atasyn jıi laqtyratynyna qynjyldy. Máslıhat depýtaty Aýyl sharýashylyǵy ónimderiniń baǵasyn kóterý arqyly jergilikti óndirýshilerge qoldaý kórsetýge bolady degen oıyn bólisti.
«Shynymdy aıtsam, nannyń baǵasy óte arzan. Men ózim aýylsharýashylyq ónimderin óndirýshimin. Egilgen bıdaıdyń quny qazir 100 teńgeden az. Sondyqtan nannyń quny 500 teńgeden kem bolmaýy tıis. Osylaısha biz aýyldaǵy ál-aýqatty kótere alamyz. Adamdar buǵan qol jetkize alady. Sebebi nan kóbinese qoqysqa laqtyrylady. Al shujyq pen et ónimderin laqtyrmaımyz, sebebi bul qymbat», dedi Meırambek Dónenbaev.
Jambylinfo.kz saıtynyń jazýynsha, Dónenbaevtyń áriptesteri bul pikirmen múldem kelispeıdi. Máslıhat depýtaty Baqytjan Qalymbetovtiń aıtýynsha, dotasııalyq óńir úshin bir oramǵa 120 teńgeniń qazirgi baǵasy da halyqtyń qaltasyna aýyrtpalyq túsiredi. Halyq tańdaǵan depýtat Jumahan Tánkebaev ta nan baǵasynyń kóterilýine qarsy.
«Nannyń baǵasyn 500 teńgege kóterý tym artyq. Qarapaıym adamdar úshin bul qıyn bolady. Ásirese 5-6 bala tárbıelep otyrǵan kópbalaly otbasylar úshin qosymsha aýyrtpalyq salady», dedi máslıhat depýtaty Jumahan Tánkebaev.
