Foto: Aqorda baspasóz qyzmeti
Memleket basshysynyń pikirinshe, kópjaqty qurylymdar aıasynda Qazaqstan men Qytaıdyń óńirlik jáne halyqaralyq qaýipsizdiktiń negizgi máselelerine qatysty kózqarastary uqsas.
«Biz Birikken Ulttar Uıymy, Shanhaı yntymaqtastyq uıymy, Azııadaǵy ózara is-qımyl jáne senim sharalary jónindegi keńes sheńberinde konstrýktıvti dıalog quryp, bir-birimizge qoldaý bildirip kelemiz. Sondaı-aq Qytaıdyń dúnıejúzilik damýǵa, jahandyq qaýipsizdik pen órkenıetke qatysty usynǵan bastamalaryn joǵary baǵalaımyz ári qoldaımyz. Bul bastamalar álemdegi qaýipsizdiktiń qazirgi júıesin nyǵaıtýǵa oń úles qosady dep sanaımyn», dedi Prezıdent.
QHR Qorǵanys mınıstri Dýn Szıýn qonaqjaılyq kórsetkeni úshin Memleket basshysyna alǵys aıtyp, ShYU-ǵa múshe elderdiń qorǵanys mınıstrleriniń keńesi joǵary deńgeıde ótkenin atap ótti.
Áńgimelesý barysynda Qasym-Jomart Toqaev pen Dýn Szıýn bitimgerlik, bilim jáne áskerı-tehnıka salalaryndaǵy yntymaqtastyqty damytýǵa nıetti ekenin jetkizdi.
