«QazMunaıGaz» qoldaýy artyp keledi

«QazMunaıGaz» búginde óziniń enshiles kompanııalarynda 50 myńǵa jýyq adamdy jumyspen qamtyp otyr. Byltyr ulttyq kompanııa quramyna kiretin uıym qyzmetkerleriniń jalaqysyna jumsaǵan shyǵysy 2022 jylmen salystyrǵanda 16%-ǵa ósip, 612 mlrd teńgege jetken. Oǵan qosa kompanııa óz qyzmetkerlerine kepildi áleýmettik paket berip keledi. Buǵan saýyqtyrý sharalary, materıaldyq kómek, túrli ótemaqy men tólem, medısınalyq saqtandyrý, qyzmetkerler men olardyń balalarynyń demalysyn uıymdastyrý, t.b. áleýmettik qoldaýlar kiredi. О́tken jyldyń ózinde mundaı sharalarǵa 27 mlrd teńge jumsalǵan.

Sonymen qatar «Qaz­Munaı­Gaz» kompanııanyń merdiger meke­me­leriniń qyzmetkerleri úshin qan­daı jaǵdaı jasalatyny týraly únemi esep berip otyrady. Tenderde utylǵan kompanııa qyz­met­kerlerinde jumyssyz qalý qaýpi týǵanda «QazMunaıGaz» kóme­gimen sol mamandar tenderde utqan kompanııaǵa jumysqa ornalasqan kezi de boldy. Budan bólek, merdiger uıym jumys­shy­larynyń jalaqysyna ındeksasııa júrgizip, olar úshin kepildi áleýmettik paket engizgen. Sońǵy derekter boıynsha bir adamǵa shamamen 550 myń teńge bólinipti. Osylaısha, kompanııa nysandarynda qyzmet kórsetetin merdiger uıymdarda 28,7 myń adamǵa jumys ornyn ashqan. Onyń 22 myńǵa jýyǵy Mańǵystaý oblysynda eńbek etedi.

Aýqymdy áleýmettik qurylys

Ulttyq kompanııanyń mu­naı óndirýden túsken kirisi túrli jolmen halyq ıgiligine jum­­salyp, ózine qaıtady. Iаǵnı «QazMunaıGaz» áleý­met­tik nysandar turǵyzyp, qaıy­rym­dylyqpen aı­nalysady, adamdarǵa ın­ves­tısııa sala­dy. Osylaısha, kom­pa­nııa­nyń enshiles uıymdary jer qoı­naýyn paıdalanýǵa ar­nalǵan kelisimshartpen óz qyz­metin júr­gizetin óńirlerdi damytýǵa qarjy bólip otyr. Sondaı-aq oblys ákimdikterimen jeke me­mo­ran­dým jasalǵan. 2025 jylǵa deıin «QazMunaıGaz» óziniń enshiles kompanııalary arqyly sol óńir­lerde jalpy quny 28 mlrd teń­gege jýyq áleýmettik ınfra­qu­rylym jobalaryn iske asyryp, qarjylyq kómektiń basqa da túrlerin kórsetpek. Bala­baq­sha, oqýshylar saraıy, mektep, jataqhana, medısınalyq or­ta­lyq, saıabaq, taǵy basqa da ǵımarattardyń qurylysyn júr­gi­zýdi josparlaǵan.

Buǵan qosymsha kompanııa Samruk-Kazyna Trust («Samuryq-Qazyna» AQ kompanııalar toby­nyń qaıyrymdylyq qyz­me­tiniń biryńǵaı operatory) áleýmettik jobalardy damytý qory arqyly qaıyrymdylyq, demeýshilik jobalarǵa qarjy qarastyryp keledi. Byltyr bıýdjetten qarjy­landyrylǵan jobalar port­fe­lin­de 46 joba bar, onyń ishinde kompanııa qajettilikterin eskere otyryp, tórt jobany iske asyrǵan.

Qarjylyq qoldaýlarǵa mysal keltirsek. Ulttyq kompanııa Mańǵystaý oblysy, Jańaózen qalasy men Qaraqııa aýdanynyń áleý­mettik ınfraqurylymyn da­my­týǵa – 1,7, Atyraý oblysy Besikti aýylynda – 280 oryn­dyq balabaqsha salýǵa – 783 mln, Mańǵystaý oblysynyń áleý­met­tik-ekonomıkalyq damýy, ınfraqurylymyn damy­týǵa 455 mln teńge bólgen. Qyzylorda oblysynda 350 adam­ǵa arnalǵan oqýshylar saraıyn turǵyzýǵa – 2,3 mlrd, Aqtóbe oblysynyń áleýmettik-ekonomıkalyq damýy jáne onyń ınfraqurylymyna 395 mln teńge qarjy qaras­ty­­rypty. Oral qalasynda kóp­fýnk­sıonaldy sporttyq saýyq­ty­rý keshenin salýǵa 19,3 mlrd, Atyraý, Mańǵystaý, Aqtóbe, Qyzylorda, Túrkistan, Pavlodar oblysyndaǵy jer­gi­likti qoǵam­das­tyqtaryna qaıy­rym­dy­lyq kómek úshin 1,1 mlrd teńge jumsaǵan. Sondaı-aq byltyrǵy jyl­dyń bıýdjetinen «Jarqyn bolashaq» bilim jobasyna 678 mln, Mańǵystaý oblysy, Túpqaraǵan aýdany, Aqshuqyr aýylynyń dáriger ambýlatorııa­syna rentgen apparatyn satyp alýǵa 36,5 mln, osy oblysqa qarasty Jetibaı men Jańaózen qalalarynda balalarǵa arnalǵan 21 sport alańynyń qurylysyna 1 mlrd teńge bólipti.

Budan bólek, «QazMunaıGaz» Jańaózende munaı-gaz klasterin qalyptastyrýǵa da kómektesip keledi, ıaǵnı ulttyq kompanııa – tap­syrys berýshi bolsa, al jeke kásiporyndar – óndiriske qajet­ti jabdyqty óndirýshi. Kom­panııa Jańaózende munaı-gaz jab­dyqtaryn óndiretin jeke ın­ves­torlardy tartyp, sol ká­siporyndardyń ónimin óz kompa­nııa­laryna satyp alýǵa nıet etip otyr. «О́zenmunaıgaz» AQ men «QazMunaıGaz» kompanııasynyń basqa da enshiles uıymdary óndiriske qajetti jabdyqtardyń tizimin de daıyndaǵan. Bul jańa­ózen­dikter úshin jańa jumys oryn­daryn ashýǵa múmkindik ber­­mek.

Aldaǵy ýaqytta Jańaózende munaı men gaz óndirýge qajetti taýarlar shyǵaratyn jańa zaýyt boı kóteredi. Bıyl sáýir aıynda bolashaq kásiporynnyń irgetasyn qalaý rásimi ótti. Zaýyt jylyna 51 myń tonna qubyr ónimderin, 540 myń sorǵy shtangalaryn, 100 munaı jylytqyshtaryn ón­diretin bolady. Sondaı-aq qala tur­ǵyndaryna 250-den astam jańa jumys orny ashylady dep jos­par­lanǵan.

«Bul joba strategııalyq ınves­tısııanyń qalalardyń damýy­na tıgizetin oń sheshimderdiń jar­qyn mysaly deýge bolady. Biz Jańaózen qalasyn búkil óńir­di tabysqa jeteleıtin da­my­ǵan ónerkásip ortalyǵy re­tinde kórgimiz keledi», dedi sol rásim­de sóz alǵan «QazMunaıGaz» UQ AQ basqarma tóraǵasy M.Myrzaǵalıev.