2024 jylǵy 1 sáýirdegi jaǵdaı boıynsha halyq sany 20 095 963 adam boldy, onyń ishinde qala turǵyndary – 12 513 014, aýyldyqtar – 7 582 949 adam. 3 aıda halyqtyń jalpy ósimi 62 121 adam boldy.
2024 jyldyń alǵashqy úsh aıynda 91,9 myń myń sábı dúnıege keldi, qaıtys bolǵandar sany – 33,4 myń adam boldy. Osylaısha, halyqtyń tabıǵı ósimi 58,4 myń adamdy qurady.
Týýdyń eń joǵary deńgeıi Mańǵystaý (1000 turǵynǵa 25,10 adam), Túrkistan (24,71) oblystarynda jáne Shymkent qalasynda (23,57) baıqaldy.
О́lim-jitimniń eń joǵary deńgeıi Soltústik Qazaqstan (1000 turǵynǵa shaqqanda 12,05), Shyǵys Qazaqstan (11,98) jáne Qostanaı oblystarynda (10,51) tirkeldi, bul osy oblystardaǵy halyqtyń jas qurylymymen erekshelenetin faktor.
Sondaı-aq, bıylǵy jyldyń birinshi toqsanynda 26,7 myń neke jáne 8,8 myń ajyrasý tirkelgen.
2024 jylǵy qantar-naýryzda elge kelgender sany 7471 adamdy, elden ketkender sany 3785 adamdy qurady. Osylaısha oń kóshi- qon aıyrymy tirkeldi – 3686 adam. 2023 jylǵy tıisti kezeńmen salystyrǵanda Qazaqstanǵa kelgender sany 2,7% azaıdy, al ketkender sany 42,1% ósti.
Eldiń negizgi kóshi-qon almasýy TMD memleketterimen júrdi. TMD elderinen kelgenderdiń úlesi 75,6%, al osy elderge ketkenderdiń úlesi 74,7% qurady.
2023 jylymen tıisti kezeńmen salystyrǵanda el ishinde kóship kelýshiler sany 2,2 ese ósti. О́ńiraralyq kóshi-qon boıynsha elimizdiń 4 óńirinde: Astana (15390 adam), Almaty (9187 adam), Shymkent (3536 adam) qalalarynda jáne Almaty oblasynda (168 adam) halyqtyń kóshi-qonynyń oń aıyrymy qalyptasty.
