Oblystyq bilim basqarmasy baspasóz qyzmetiniń aqparatyna súıensek, bul – elimizdiń batys aımaǵynda ashylǵan alǵashqy áskerı baǵyttaǵy mektep. Bilim ordasynda jaratylystaný, matematıka baǵytyndaǵy pánder tereńdetilip oqytylady. Qazir áskerı mektepte Atyraý ǵana emes, Mańǵystaý, Batys Qazaqstan, Shyǵys Qazaqstan, Jambyl oblystarynan kelgen balalar da oqyp júr. Oqýshylar jataqhanamen, arnaıy kıimmen, tegin tamaqpen qamtylǵan.
Oqýshylardyń arasynda eki otbasynyń egiz uly bar. Birinshi egiz – Azamat pen Azat Borıs. Olardyń ákesi tájik-aýǵan shekarasyndaǵy urys qımylyna qatysqan.
«Biz bolashaǵymyzdy áskerı salamen baılanystyrýdy kózdep júrmiz. Sol maqsatymyzǵa jetý úshin «Sarmat» mektebinde bilim alyp jatyrmyz. Osy mektepti bitirgennen keıin elimizdiń shekarasyn qorǵaıtyn sardar bolý úshin joǵary bilim alǵym keledi. Syńarym – Azat qutqarýshy mamandyǵyn qalap júr», deıdi Azamat Borıs.
Ekinshi egiz – Naýryzbek pen Amangeldi Meırambek. Ekeýi de sportpen aınalysady. Olar sporttyń djıý-djıtsý túrinen chempıon atanǵan.
«Kishkentaı kezimizden áskerı qyzmetker bolýdy armandadyq. Atyraýda osy mektep ashylyp, qabyldaý emtıhanynan súrinbeı ótkenimizge qýandyq. Men aldaǵy ýaqytta polısııa qyzmetkeri bolsam deımin. Al Amangeldi órt sóndirýshi bolǵysy keledi», deıdi Naýryzbek Meırambek.
Atyraý oblysy
