Foto: Skrın. KTK.
Bul týraly fontanka.ru saıtynda habarlanǵan eken.
Qazaqstan týmasy aýyz sý jetkizetin kompanııada jumys isteıdi, apat bolǵan kúni kópirmen qyzmettik mashınamen júrip ótken.
«Kóliktegi súıreý arqanyn alyp, arqandy kópirge baılap aldym. Biz kezekpen tómen túsip, avtobýs mańyna qaraı júze bastadyq, lıýktegilerdi alyp shyǵýǵa tyrystyq», deıdi Erhan Ahanov.
Sankt-Peterbýrg óńirlik marapaty – «Qutqarýdaǵy erligi úshin» belgisin jáne saǵat syılyǵyn gýbernator Aleksandr Beglov 15 qala turǵynyna tabystady.
ktk.kz habarlaýynsha, 25 jastaǵy Erhan Ahanov Shahtınsk qalasynda dúnıege kelgen. Qarshadaıynan sportpen shuǵyldanǵan, jasóspirimder arasynda bokstan Qazaqstan chempıony. Áskerden keıin Sankt-Peterbýrgke ketip, atalǵan qalada otbasyn qurǵan, jumys isteıdi, jýyrda ýnıversıtetke túsken. Onyń anasy, ákesi jáne ápkesi Qazaqstan polısııasynda qyzmet etedi.
10 mamyrda kúndiz Sankt-Peterbýrgte avtobýs birneshe avtokólikpen soqtyǵysyp, sodan keıin kópirden qulap ketken. Salonda 20 adam bolǵan. Atalǵan fakti boıynsha RF QK-niń 264-baby, 5-bóligi – «Abaısyzda eki nemese odan da kóp adamnyń ólimine ákep soqqan JQE buzý» boıynsha qylmystyq is qozǵaldy. 7 adam qaza tapqan.
