Foto: sport_basqarmasy_astana
«Qazaqstan chempıonaty jylyna bir márte uıymdastyrylady. Bıyl 8 oblystan sportshylar qatysyp jatyr. Byltyr 5 oblystyń sportshylary kelgen, bıyl qatysýshylar qatary artty. Týrnırde uzaq baǵdarlama boıynsha jas erekshelikterine qaraı 260 adam júldege talasyp jatyr. Qysqa baǵdarlama 1,5 mınýtty qamtysa, uzaq baǵdarlama 3,5 mınýtqa deıin jalǵasady. Týrnırdiń nátıjesinde kúzde Gonkongte ótetin Azııa chempıonatyna baratyn úzdikter irikteledi», dedi jarystyń bas tóreshisi Zaıra Jaqypova.
Aıta ketsek, estetıkalyq gımnastıkadan Qazaqstan quramasy 2019 jyldan beri álem chempıonatyna turaqty túrde qatysyp keledi. 2022 jyly Aýstrııadaǵy jahandyq dodada komandalyq saıys boıynsha qola júldege ıe bolsa, 2023 jyly Almaty qalasynda 16 memlekettiń qatysýymen ótken álemdik básekede jasóspirimder sanatynda Astana qalasynyń «Samuryq» komandasy birinshi ret qola júldeger atanǵan edi.
Estetıkalyq gımnastıkaǵa qatysatyndar kórkem gımnastıkanyń elementterin ǵana emes, sporttyq gımnastıka, bı jaǵynan da sheberlikterin shyńdaı alady.
