Foto: Senattyń baspasóz qyzmeti
«Áıelderdiń ekonomıkalyq múmkindikterin keńeıtý kez kelgen memlekettiń damýyndaǵy negizgi másele jáne ornyqty bolashaq qalyptastyrýdyń kilti bolyp tabylady. Turaqty ekonomıkalyq ósýdi jedeldetý jáne qoǵamdyq ál-aýqatty barlyq deńgeıde jaqsartý úshin áıelderdiń ekonomıkalyq mártebesin kóterý asa mańyzdy. Sondyqtan Qazaqstan áıelder kásipkerligin qoldaýdy kúsheıtýde belsendi jumys júrgizip keledi. Qazaqstandaǵy jumys istep turǵan shaǵyn jáne orta bıznes sýbektileriniń 47%-yn áıelder basqarady. Olardyń áleýetin sapaly turǵyda kúsheıtý úshin Azııa Damý Bankimen jáne BUU Damý baǵdarlamasymen yntymaqtasa otyryp elimizdiń barlyq óńirlerinde áıelder kásipkerligin damytý ortalyqtary iske qosyldy», dedi Olga Perepechına.
Sonymen qatar Senat Tóraǵasynyń orynbasary Pekın tuǵyrnamasy úkimetterdiń, halyqaralyq uıymdardyń jáne azamattyq qoǵamnyń kúsh-jigerin jumyldyrý arqyly jynystyq kemsitýdiń barlyq túrin joıýǵa baǵyttalǵan qýatty tetikke aınalǵanyn atap ótti. Kúsh-jigerdi biriktirý men elder arasyndaǵy áreketterdi úılestirý genderlik teńdik baǵdarlamasyn odan ári ilgeriletýge eleýli túrde jáne uzaq merzimge oń yqpal ete alady.
Senat Tóraǵasynyń orynbasary sonymen qosa О́zbekstan Olıı Májilisi Senatynyń Tóraǵasy Tanzıla Narbaevamen kezdesti. Taraptar parlamentaralyq yntymaqtastyqty damytý, ónerkásip kooperasııasy, kólik baılanysy salasyndaǵy baılanystardy nyǵaıtý, ınfraqurylymdyq jáne saýda kedergilerin joıý máselelerin talqylady.
Olga Perepechına sondaı-aq Qatar Shýra Keńesi Tóraǵasynyń orynbasary Hamda bınt Hasan Al Sýlaıtımen kezdesti. Kezdesýge qatysýshylar eki eldiń parlamentteri arasyndaǵy ózara is-qımyldyń keleshegin, sondaı-aq áıelder men balalarǵa qatysty zorlyq-zombylyqtyń barlyq túrlerin joıýdaǵy óńirlik máselelerdi talqylady.
