Foto: Sputnik / Tımýr Batyrshın
Igor Lepehanyń aıtýynsha, «azaptaý» boıynsha is qozǵaldy.
«Qazir onyń qaıda ekenin aıta almaımyn. Birinshiden, materıaldar saraptamaǵa jiberildi, onyń qorytyndysy boıynsha sheshim qabyldanady. Saraptamanyń nátıjesin kúteıik, jaýap alý qajet, qazir prosessýaldy sharalar júrgizilip jatyr», dedi ol Májilis kýlýarynda.
Esterińizge sala keteıik, Qazaqstannyń BAÁ-degi elshisiniń keńesshisi bolǵan Sáken Mamashtyń áıeli Karına Mamash kúıeýinen qorlyq kórip kelgenin aıtqan edi. Jábirlenýshiniń aıtýynsha, Sáken Mamash on jyl boıy áıelin uryp-soqqan. Karına Qazaqstannyń bılik organdarynan ózine arasha túsýdi surady.
Kóp uzamaı áıel balalarymen birge Astanaǵa oraldy. Qazir ol «Qorǵaý» daǵdarys ortalyǵynda turyp jatyr.
Al dıplomat Sáken Mamash áıeliniń aryzynan soń elge shaqyrtylyp, qyzmetinen bosatyldy.
