Foto: Astanatv.kz
Almaty qalasynda qarjylyq tártipti qamtamasyz etý jáne nyǵaıtý boıynsha qabyldanyp jatqan sharalarǵa qaramastan, Tekserý komıssııasy memlekettik qyzmet týraly zańnama, bıýdjet jáne eńbek zańnamasy jetkilikti dárejede saqtalmaǵan faktilerdi anyqtady.
Tekserý barysynda oryndalmaǵan qyzmetter úshin qarjy bólingeni belgili boldy. Onyń ishinde 150,4 mln teńge kólemindegi shyǵystar basqa baǵyttarǵa, negizgi bóligi syılyqaqy retinde tólengen.
Almaty qalasy boıynsha tekserý komıssııasy syılyqaqylar men bonýstardy tóleý máselelerinde zańnama talaptaryn tolyq saqtamaǵan. Bul óz kezeginde bıýdjet qarajatyn paıdalanýdaǵy ádilettilik pen ashyqtyq qaǵıdattaryn buzady.
«2023 jylǵy jeltoqsanda Tekserý komıssııasynyń jekelegen qyzmetkerlerine «laýazymdyq mindetterin úlgili oryndaǵany úshin» 6,5 mln teńge somaǵa birneshe ret syılyqaqy tólengen. Atap aıtqanda, jumysqa qabyldanǵan sátten bastap bir toqsannan az jumys istegen adamdarǵa 5 ret syılyqaqy berilgen. Bul jaǵdaılar issaparǵa jiberilgen qyzmetkerlerge turǵyn úı jaldaýǵa tıisti somany tólemeý jáne jekelegen memlekettik qyzmetshilerge tıesili bonýstardy tólemeý aıasynda bolǵan», delingen Joǵarǵy aýdıtorlyq palata habarlamasynda.
Budan bólek, 2022-2023 jyldary jumys nátıjelerin baǵalaý júrgizilmegen jáne joǵary eńbek tıimdiligi rastalmaǵan ınspektorlarǵa syıaqylar tólengen. Osy baǵytqa 2022 jyly – 4,5 mln teńge, 2023 jyly – 17,2 mln teńge negizsiz jumsalǵan.
