Ánshi jeti qazynanyń biri sanalatyn tazy senimdi serigine aınalǵanyn aıtty.
«Osydan birneshe aı buryn Memleket basshysy Qasym-Jomart Kemeluly tazy syılap, erekshe tartý jasaǵan edi. Oǵan «Ǵaryshker» dep at qoıyp, sodan beri senimdi serigime aınalǵan bolatyn. Jeti qazynanyń biri sanalatyn tazyny qazaq halqy qadirleı bilgen», – dedi ánshi Instagram paraqshasynda.
Sonymen qatar Dımash Qudaıbergen Memleket basshysyn týǵan kúnimen quttyqtap, tilegin jetkizdi.
«Osyndaı tamasha, baǵa jetpes qazynany tartý etken el Prezıdenti Qasym-Jomart Kemelulyn týǵan kúnimen shyn júrekten quttyqtaımyn! Sizge elge qyzmet isteý jolynda qajymas qaırat, kúsh-qýat tileımin! Sizge shyn júrekten zor densaýlyq, sarqylmas qýat jáne Otanymyzdyń ıgiligi úshin jańa jetistikter tileımin. El bolashaǵy jarqyn bolsyn!», – dedi ánshi.
