Jastarymyzdyń tarıhta ótken Uly tulǵalarǵa qarap boı túzeýi, olardyń ónegeli ómir jolynan ǵıbrat alýy tárbıemizdiń basty quraly. Bilimge qushtar, armanshyl urpaq óz halqynyń jasampaz bolmysy men ómirsheń dástúrimen qarýlanyp, uly tulǵalaryn ulyqtap, solardy úlgi tutsa, ult rýhynyń asqaqtaı berýine sert bere alamyz.
Osy maqsatta ótkizilgen esse jáne beınebaıandar saıysy jastarymyzdyń bilimge degen qulshynysyn kórsetip, otanshyldyq, ultjandylyq tanymyna qozǵaý salǵanyn kórsetip berdi.
Ýnıversıtettiń Tarıhı murajaıy uıymdastyrǵan bul tanymdyq saıysqa Qazaqstan Jazýshylar Odaǵynyń múshesi, Sátbaevtanýshy-ǵalym Aspandııar Ádenuly tóraǵalyq etip, júzden júırik shyqqandardy anyqtady.
Marapattaý rásimine barlyq aımaqtardan esse jazǵan talantty oqýshylar men olardyń jetekshi-ustazdary qatysyp, sóz sóılep, óz oılaryn bólisti. Esse jazyp, beınebaıan túsirgen oqýshylar zertteý, jazý kezeńindegi óz áserlerimen bólisip uly ǵalym týraly tanymdyq suraqtarǵa da jaýap berdi.
Saıys jeńimpazdary túrli syılyqtarmen marapattaldy.
1-oryn alǵan Jetisý oblysy, Aqsý aýdanynyń 11-synyp oqýshysy oqý ornymyzdyń grantyna ıe boldy.
2-oryndy Aqtóbe jáne Túrkistan qalalarynyń oqýshylary aldy.
3-oryndy Pavlodar oblysy, Ekibastuz qalasy, Almaty oblysy, Qaskeleń qalasy jáne Túrkistan oblysy, Sozaq aýdanynyń oqýshylary aldy. Sonymen qatar barlyq qatysýshylarǵa alǵys hattar men shyǵarmashylyq daryny úshin nomınasııasy tabystaldy. Marapattaý barysynda ýnıversıtetimizdiń professory Baıbatsha Ádilhan Bekdildáuly saıys jeńimpazdaryn quttyqtap, olarǵa aldaǵy ýaqytta da úlken belesterdi baǵyndyrýyna tilektestigin bildirdi.
Sáýlet jáne qurylys ınstıtýtynyń 4-kýrs stýdenti Allabergen Berdibekov Q.Sátbaevtyń A.Zataevıchke jazdyrǵan ánderi ishinen halyq áni «Obaǵandy» shyrqasa, ózge de talantty stýdentter birtýar tulǵaǵa arnalǵan jyrlaryn oqydy.
Áserli ótken tanymdyq is-shara jastarymyzdyń qushtar kóńiline qozǵaý salyp, tehnıkalyq bilimniń qara shańyraǵy Sátbaev ýnıversıtetine degen shynaıy pikirleri men aıryqsha áserlerin pash etip, keıbiri osy oqý ornyna túsýge talpynys jasaıtynyn ańǵartty.
Zamanaýı tehnıka men tehnologııany erkin meńgergen jastarymyz osy múmkindikti erkin paıdalanyp, áserli de tartymdy beınebaıandar jasaǵany uıymdastyrýshylardy bir súısintip tastady.
Aıta keteıik, bul is-shara Sátbaev ýnıversıteti rektorynyń bastamasymen elimizdegi barlyq Sátbaev atyndaǵy mekteptermen yntymaqtastyq memorandým jasaý arqyly iske asyrylýda. Aldaǵy ýaqytta da ýnıversıtet Respýblıkadaǵy Sátbaev atyndaǵy mektepterdi óz aıasyna alýǵa, túrli is-sharalardy birlese otyryp atqaratynyna múddeli ekenin aıqyndady. О́ıtkeni barlyq bilimniń bastapqy baspaldaǵy mektep ekeni sózsiz.
Saıystyń óz dárejesinde ótýine muryndyq bolǵan, ýnıversıtet Tarıhı murajaıynyń dırektory, ári daryndy sýretshi Jeńis Moldabekovke qatysýshylar tarapynan alǵys aıtyp, raqmetin jaýdyrdy.
