Foto: pricom.kz
Mınıstrdiń aıtýynsha, osy oqý jylyn 3,8 mln oqýshy aıaqtaǵaly otyr, onyń ishinde, bastaýysh synyptarda 374 myń bala, negizgi mektepterde 341 myń oqýshy jáne 186 myń túlek bar.
Bitirýshi túlekter arasynda 7 704 oqýshy «Altyn belgige» úmitker.
Ǵanı Bısembaev qazaq tilinde alǵash ret ótkizgeli otyrǵan aralyq emtıhan týraly da baıandady.
«Bıyl 5-8, 10 synyptarda alǵash ret qazaq tiline qatysty aralyq emtıhandar ótkiziledi. Sondaı-aq sý tasqynyna baılanysty Atyraý, Aqtóbe jáne Soltústik Qazaqstan oblystarynan 3 581 oqýshy aralyq jáne qorytyndy emtıhandardan bosatylady. Qorytyndy baǵa jyldyq belgiler negizinde qoıylady. TJ aıasynda qashyqtan oqytylǵan 2 622 mekteptiń 832 myń oqýshysyna 27-31 mamyr aralyǵynda jazǵy mekteptiń jumysy uıymdastyrylady», dedi mınıstr.
Al oqý jyly «Bilimim – Otanyma» biryńǵaı synyp saǵattaryn ótkizýmen aıaqtalsa, 25 mamyr kúni mektep túlekterine arnalǵan «Mektebim, saǵan myń alǵys!» atty is-shara ótkiziledi.
9 jáne 11 synyp túlekteriniń qorytyndy emtıhandary 29 mamyrdan 11 maýsymǵa deıin ótkiziledi, al attestattardy tapsyrý saltanatty rásimi 12-15 maýsymǵa belgilendi.
