Almatyda HI halyqaralyq Jáýtikov olımpıadasy ótýde
Ońtústik astanaǵa 15 eldiń matematıkaǵa júırik jetkinshekteri jınalǵan bolatyn. Osylaısha Almatydaǵy ál-Farabı atyndaǵy QazUÝ-dyń Stýdentter saraıynda matematıka, fızıka jáne ınformatıkadan HI halyqaralyq Jáýtikov olımpıadasy bastaldy. Olardyń arasynda atalmysh olımpıadanyń bas júldesin segiz ret qatarynan jeńip alǵan, Máskeý memlekettik ýnıversıteti janyndaǵy mamandandyrylǵan oqý-ǵylymı ortalyǵynyń (SÝNS) oqýshylary da bar. Olımpıadany uıymdastyrýshy – «Daryn» respýblıkalyq ǵylymı-praktıkalyq ortalyǵy jáne RMFMOMI, al qoldaýshysy – Almaty qalasy ákimdigi. Bul kúnde álemniń ár shalǵaıyndaǵy esepke júırik balalar arasynda tanymal Jáýtikov olımpıadasyn Bilim jáne ǵylym mınıstriniń orynbasary Esenǵazy Imanálıev ashyp berdi. Munan keıin sóz alǵan belgili matematık, ǵalym Asqar Jumadildaev: – Jyl saıynǵy Jáýtikov olımpıadasy turaqty dástúrge aınalǵan bilim dodasy deýge bolady. Matematıka – dúnıeniń barlyq túkpirinde 1 synyptan 11 synypqa deıin oqytylatyn birden-bir pán. Eki jerdegi eki Almatyda da – 4, Máskeýde de – 4. Saıasat ózgeredi, ómir ózgeredi, biraq, matematıka ózgermeıdi. Jastarǵa tabys tileımin, – dedi. Bıylǵy olımpıadaǵa Qazaqstan, Reseı, Ýkraına, Belorýssııa, Ázerbaıjan, Armenııa, Grýzııa, Qyrǵyzstan, Tájikstan, Túrikmenstan, О́zbekstan, Bolgarııa, Rýmynııa, Serbııa jáne Mońǵolııa sııaqty álemniń 15 elinen 58 komanda (391 qatysýshy) qatysýda. Halyqaralyq qazylar alqasy quramynda álemniń 9 eliniń ǵalymdary jumys istep otyr. Qazylar alqasyna ál-Farabı atyndaǵy QazUÝ rektory Ǵalymqaıyr Mutanov tóraǵalyq etýde. HJO 11 jyl boıy ózin jaqyn jáne alys shet elderdiń mamandandyrylǵan úzdik mektepteriniń jekelegen reıtıngteri men myqty komandalarynyń reıtıngterin shyǵaratyn álemde teńdesi joq biregeı olımpıada retinde tanyta bildi. Dástúr boıynsha jeńimpaz komanda Gran-prı ıegeri atanady. Jeńimpaz komandalar men olımpıada júldegerleri baǵaly syılyqtarmen marapattalady. Halyqaralyq Jáýtikov olımpıadasynyń jeńimpazdaryna Nazarbaev Ýnıversıtetiniń bilim granttary beriledi. Sonymen qatar, Nazarbaev Ýnıversıtetine qabyldaý erejesi jáne akademııalyq baǵdarlamasy týraly, sondaı-aq, Qazaq-Brıtan ýnıversıtetine qabyldaý erejesi týraly tusaýkeser ótedi. Qalyptasqan dástúr boıynsha olımpıadany joǵary deńgeıde ótkizýge olımpıadanyń turaqty bas seriktesi «RMFMOMI túlekteriniń qory» QQ men «Microsoft Kazakhstan» kompanııasy qoldaý kórsetýde. Aınash ESALI, «Egemen Qazaqstan». ALMATY.
