Orys balalar ádebıetiniń ájesi

Evgenııa Pýtılovamen Pýshkın kitaphanasynda onlaın-kezdesý ótti Shyǵys óńirinde «Qazaqstan-Reseı: shekarasyz ashyq oqýlar» halyqaralyq jobasy aıasynda reseıliktermen kezdesýler jalǵasýda. Taıaýda oblys orta­lyǵyndaǵy A.Pýshkın atyndaǵy kitaphanada A.Gersen atyndaǵy Reseı memlekettik pedagogıkalyq ýnıversıtetiniń qurmetti professory, Sankt-Peterbýrg qalasy Jazýshylar odaǵynyń múshesi, «Chetyre veka rýsskoı poezıı detıam» atty úsh tomdyq kitaptyń avtory Evgenııa Pýtılovamen onlaın-kezdesý uıymdastyryldy. Jaqynda jaryq kórgen úsh tomdyq basylym avtorynyń aıtýyn­sha, atalǵan kitap orys ádebıetiniń folklordan bastap qazirgi kezeńge deıingi poezııalyq damý ensıklopedııasy ispetti. Onlaın-kezdesýge óńirdegi fılologııa mamandary, balabaqsha tárbıeshileri jáne kitaphanashylar qatysty. Jazýshy Evgenııa Oska­rovna shyǵarmashylyǵy jónin­de Lenıngrad oblystyq balalar kitaphanasynyń dırektory M.Kýrakına áńgimelep, tanystyrdy. Jazýshymen kezdesý ádetten tys onlaın-júıede ótkizilse de, qos taraptaǵylar keńistik aıyrmasyn sezingen joq. Jazýshy ilkide kúıeýiniń qyzmetine baılanysty Qazaqstandy aralap, qazaq halqynyń salt-dástúri men memlekettiń búgingi damý kelbetine qanyqqanyn erekshe atap ótti. Evgenııa Pýtılovany qalam­ger-áriptesteri «orys balalar ádebıetiniń ájesi» dep ataıdy. Ol – balalar ádebıetin fılologııalyq zertteýlerdiń negizgi nysanyna aınaldyrǵan qalamger. Kóp­tegen jyldar boıy el arasynda saqtalǵan, halyq aýzynda jat­talǵan týyndylardy zertteýde eleýli eńbek etti. Jazýshy izdenisiniń nátıjesinde orys poezııasy balalarǵa arnalǵan týyndylarynyń birqatary óz avtorlaryn tapty. О́skemendik oqyrmandar saýalyna oraı E.Pýtılova ózi re­daktorlyq etken «Detskaıa lıteratýra» oqýlyǵynyń tolyǵymen japon tiline aýdarylǵanyn jáne jýyrda jaryq kóretinin jetkizdi. Búginde atalǵan eńbekten alynǵan úzindiler japondyq jýrnaldarǵa jarııalanyp úlgergen. Kezdesý sońynda orys balalar ádebıetiniń ókili aldaǵy ýaqytta taǵy da Qazaqstanǵa kelýdi jos­parlap otyrǵanyn jetkizdi. Dýman ANASh, «Egemen Qazaqstan». О́SKEMEN.