Joba Oqý-aǵartý mınıstrliginiń bastamasymen jáne «Bilim-ınnovasııa» HQQ, «Daryn» RǴPO uıymdastyrýymen ótti.
Halyqaralyq «Qazaq tili» qoǵamy alǵash ret bul is-sharaǵa qoldaý bildirdi. Halyqaralyq «Qazaq tili» qoǵamynyń negizgi jumys baǵyttarynyń biri – qazaq tilin oqytýdaǵy bilim berý júıesine qoldaý kórsetý. «Jarqyn bolashaq» respýblıkalyq baıqaýynyń memlekettik tildiń qoldanys aıasyn keńeıtý, balalardyń qazaq tiline degen qyzyǵýshylyǵyn arttyrý maqsaty qoǵam jumysymen úndes keledi.
«Halyqaralyq «Qazaq tili» qoǵamy bıyl alǵash ret is-sharaǵa áriptes ári demeýshi retinde qoldaý bildirdi. Qoǵamnyń negizgi jumys baǵytynyń biri – qazaq tilin oqytýdaǵy bilim berý júıesine qoldaý kórsetý. Mekteptegi ár balanyń qazaqsha erkin sóz saptap, saýatty da kórkem jazýdy meńgerip shyǵýyna úles qosý. Ol úshin mektepterde «Oqý saýaty» jáne «Jazý mádenıeti» jobalaryn iske asyrýdyń josparyn daıyndap jatyrmyz. Al «Bilim» ınnovasııalyq lıseılerimen birge uıymdastyrylǵan «Jarqyn bolashaq» olımpıadasy dál biz dittegen maqsatqa, memlekettik tildiń qoldaný aıasyn keńeıtip, oqýshylardyń shyǵarmashylyq, izdenýshilik, qabiletterin shyńdaýǵa baǵyttalǵan. Balalardyń qazaq tiline degen yqylasyn, mádenıetimiz ben ádebıetimizge degen qurmetin arttyrýǵa negizdelgen», deıdi Halyqaralyq «Qazaq tili» qoǵamy prezıdenti Raýan Kenjehanuly.
Is-sharaǵa «Altyn Qyran Foundation» qoǵamdyq qory, «Jakko» jáne «Almather» kompanııalary da demeýshilik kórsetkenin aıta keteıik.
