Qazaqstan Respýblıkasy Sport jáne dene shynyqtyrý isteri agenttiginiń buıryǵy №291 

2014 jylǵy 28 shilde Astana qalasy «Úzdik sport jýrnalısi» ataǵyn berý qaǵıdalaryn bekitý týraly «Dene shynyqtyrý jáne sport týraly» Qazaqstan Respýblıkasy Zańynyń 7-babynyń 46) tarmaqshasyna sáıkes buıyramyn: 1. Qosa berilip otyrǵan «Úzdik sport jýrnalısi» ataǵyn berý qaǵıdalary bekitilsin. 2. Strategııalyq damý departamenti (D.Ú. Qamzebaeva) zańnamada belgilengen tártippen: 1) Qazaqstan Respýblıkasy Ádilet mınıstrligine osy buıryqty memlekettik tirkeýge usynýdy; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden ótkennen keıin buqaralyq aqparat quraldarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Sport jáne dene shynyqtyrý isteri agenttigi tóraǵasynyń orynbasary E.B. Qanaǵatovqa júktelsin. 4. Osy buıryq alǵash resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasy Sport jáne dene shynyqtyrý isteri agenttiginiń tóraǵasy T.ESENTAEV. «Kelisildi» Qazaqstan Respýblıkasy Baılanys jáne aqparat agenttiginiń tóraǵasy ____________ A.JUMAǴALIEV. 2014 jylǵy 29 shilde Qazaqstan Respýblıkasy Sport jáne dene shynyqtyrý isteri agenttigi tóraǵasynyń 2014 jylǵy 28 shildedegi №291 buıryǵymen bekitildi «Úzdik sport jýrnalısi» ataǵyn berý QAǴIDASY 1. Jalpy erejeler 1. Osy «Úzdik sport jýrnalısi» ataǵyn berý qaǵıdasy (budan ári – Qaǵıda) «Dene shynyqtyrý jáne sport týraly» Qazaqstan Respýblıkasy Zańynyń 7-babynyń 46) tarmaqshasyna sáıkes ázirlendi. 2. Qaǵıda Qazaqstannyń buqaralyq aqparat quraldarynda (budan ári – BAQ) sporttyq oqıǵalardy jáne sport tóńiregindegi oqıǵalardy jarııalaýda eleýli eńbek sińirgen buqaralyq aqparat quraldary ókilderine «Úzdik sport jýrnalısi» ataǵyn berýdiń tártibi men sharttaryn anyqtaıdy. 3. «Úzdik sport jýrnalısi» ataǵyn berý (budan ári – ataq) úshin maqsaty qazaqstandyq sport jýrnalıstıkasynyń sapasyn jáne BAQ-ta sporttyq aqparattardy taratýdyń mádenı deńgeıin arttyrý bolyp tabylatyn konkýrs ótkiziledi. 4. Osy qaǵıdada mynadaı uǵymdar paıdalanylady: 1) syıaqy - «Úzdik sport jýrnalısi» konkýrsynda (budan ár – konkýrs) jeńimpaz bolǵan buqaralyq aqparat quraldarynyń ókiline qaıtarymsyz beriletin aqsha; 2) ataq berý jónindegi konkýrstyq komıssııa – dene shynyqtyrý jáne sport salasyndaǵy ýákiletti organ (budan ári – ýákiletti organ) konkýrs jeńimpazyn anyqtaý jáne oǵan ataq berý úshin quratyn komıssııa; 3) konkýrsqa qatysýshy – osy Qaǵıdaǵa sáıkes qujattary men jumystaryn konkýrsqa qatysý úshin beretin buqaralyq aqparat quraldarynyń ókili. 2. Ataq berýdiń tártibi men sharttary 5. Ataq jyl saıyn jeltoqsan aıynyń ekinshi jartysynda konkýrstyq negizde beriledi. 6. Konkýrs ótkizý týraly habarlandyrýdy ýákiletti organ qujattardy qabyldaý bastalǵanǵa deıin otyz kúntizbelik kún buryn Qazaqstan Respýblıkasynyń barlyq aýmaǵyna taralatyn BAQ-ta jarııalaıdy, sondaı-aq ýákiletti organnyń ınternet-resýrsynda ornalastyrady. 7. Ataq berý jónindegi konkýrs úsh nomınasııa boıynsha ótkiziledi: 1) «Úzdik televızııalyq reportaj (fılm, sıýjet)»; 2) «Úzdik jarııalanym (baspa, ınternet BAQ)»; 3) «Úzdik fotoreportaj (fotojumys)». 8. Konkýrsqa sportshyǵa nemese sporttyq oqıǵaǵa arnalǵan, efırge shyqqan jáne/nemese baspa nemese elektrondy BAQ-ta aǵymdaǵy jyl ishinde jaryq kórgen jumystar qabyldanady. 9. Barlyq nomınasııalar úshin, eń aldymen, materıaldy berýdiń qyzyqty nysany, oryn alǵan oqıǵanyń dınamıkalylyǵy men kórnekiligi, jýrnalıstiń sóz saptaýynyń durystyǵy men naqtylyǵy baǵalanady. 1) «Úzdik sporttyq televızııalyq reportaj (fılm, sıýjet)» nomınasııasy Vıdeomaterıaldy baǵalaý krıterııleri – jýrnalıstiń saýatty aýyzsha sóılegen sózi, sıýjettiń dramatýrgııasy, vıdeoqatardyń sapasy, stendaptyń, kadrdan tys mátinniń oryndylyǵy. 2) «Úzdik sporttyq jarııalanym (baspa/ınternet BAQ)» Jarııalanymdy baǵalaý krıterııleri – tildiń saýattylyǵy, naqtylyǵy, sóz saptaýdyń túpnusqalyǵy, avtorlyq berý, sıýjettiń dramatýrgııasy. 3) «Úzdik sporttyq fotoreportaj (fotojumys)» nomınasııasy Fotoreportajdy baǵalaý krıterııleri – dınamıkalylyǵy, standartty emes kórkem sheshimi, ónertapqyshtylyǵy men kreatıvtiligi, beınesiniń sapasy. 10. Árbir avtor ártúrli nomınasııalarǵa túrli jumystardy, biraq árbir nomınasııaǵa keminde bir jumystan usyna alady. 11. Konkýrsqa qatysý úshin ýákiletti organǵa mynalardy usyný qajet: 1) konkýrsqa qatysý úshin erkin nasyndaǵy ótinish; 2) qatysýshynyń shyǵarmashylyq qyzmetiniń qysqasha sıpattamasy; 3) konkýrstyq jumys – vıdeomaterıaldar, aýdıomaterıaldar, jarııalanymdar (baspa/ınternet BAQ), fotojumystar (fotoreportajdar). 3. Ataq berý jónindegi konkýrstyq komıssııa 12. Ataqty berý úshin ýákiletti organ konkýrsty ótkizý jónindegi komıssııany qurady. Konkýrsty ótkizý jónindegi komıssııa qurý jáne konkýrsty ótkizý jónindegi komıssııanyń hatshysyn anyqtaý týraly sheshimdi ýákiletti organnyń basshysy qabyldaıdy. 13. Konkýrs ótkizý jónindegi komıssııa músheleriniń jalpy sany keminde 11 adam bolýy tıis. Konkýrstyq komıssııanyń tóraǵasy, tóraǵanyń orynbasary men basqa da músheleri konkýrs ótkizý jónindegi komıssııanyń músheleri bolyp tabylady. Tóraǵa bolmaǵan ýaqytta onyń fýnksııasyn ony aýystyratyn adam atqarady. 14. Komıssııanyń otyrysy eger onda komıssııa músheleriniń jalpy sanynyń keminde 2/3 qatyssa zańdy dep sanalady. 15. Komıssııanyń sheshimi komıssııanyń qatysýshy músheleriniń kóp daýsymen qabyldanady. Daýystar teń bolǵan jaǵdaıda, tóraǵalyq etýshiniń daýsy sheshýshi bolyp tabylady. Komıssııanyń sheshimi hattamamen resimdeledi. 16. Komıssııanyń qandaı da bir múshesi bolmaǵan jaǵdaıda komıssııa otyrysynyń hattamasynda onyń qatyspaǵan sebebi kórsetiledi. Komıssııanyń joq múshelerin aýystyrýǵa jol berilmeıdi. 17. Ýákiletti organ komıssııa sheshim shyǵarǵan sátten bastap on kúntizbelik kún ishinde ataq berý týraly buıryq shyǵarady. 4. Qorytyndy ereje 18. Árbir nomınasııa boıynsha jeńimpazdarǵa «Úzdik sport jýrnalısi» ataǵy jáne «Jazýshy Seıdahmet Berdiqulovty máńgi este qaldyrý týraly» Qazaqstan Respýblıkasy Mınıstrler Kabınetiniń 1994 jylǵy 2 jeltoqsandaǵy № 1363 qaýlysyna sáıkes Seıdahmet Berdiqulov atyndaǵy syılyq tapsyrylady. 19. Konkýrs jeńimpazdaryn marapattaý úshin qajetti qarajat respýblıkalyq bıýdjet esebinen Seıdahmet Berdiqulov atyndaǵy júldeni tóleýge bólingen 50 aılyq eseptik kórsetkish mólsherindegi qarajat sheńberinde júzege asyrylady. 20. Konkýrstyń nátıjeleri múddeli memlekettik organdar men uıymdardyń ınternet-resýrstarynda ornalastyrylady jáne buqaralyq aqparat quraldarynda konkýrs ótkizilgennen keıin 10 kúntizbelik kún ishinde jarııalanady. Buıryq Qazaqstan Respýblıkasynyń Ádilet mınıstrliginde 2014 jylǵy 5 tamyzda Normatıvtik quqyqtyq kesimderdi memlekettik tirkeýdiń tizilimine №9678 bolyp engizildi.