90 000

qazaqstandyq bıyl ásker qataryna shaqyrý pýnktterine tirkeletin bolady Qorǵanys isteri jónindegi basqarmalar (bólimder) ústimizdegi jyldyń qańtar-naýryz aılarynyń aralyǵynda «Áskerı qyzmet jáne áskerı qyzmetshilerdiń mártebesi týraly» Zańnyń 16-babyna sáıkes azamattardy ásker qataryna shaqyrý ýchaskelerine tirkeý júrgizedi. Bıyl 1998 jyly týǵan jasóspirimder tirkeýge jatady. Tirkeý naýqany barysyn­da azamattar áskerı esepke alynyp, bolashaq ásker qataryna shaqyrylýshylardyń sany anyqtalady. Sonymen qatar jastardyń bilimi, alǵan mamandyǵy, dene daıarlyǵy eskerile otyryp olardyń áskerı qyzmetke jaram­dylyǵy aıqyndalady. Bozbalalar medısınalyq tekserýden ótip, emdeýdi nemese medısınalyq baqylaýdy qajet etetin jastarmen emdeý-saýyqtyrý is-sharalary júrgi­ziledi. Al den­saýlyq jaı-kúıi jáne basqa da qabiletteri boıynsha  jaramdy dep tanylǵan ásker qataryna shaqyrylýshylarǵa áskerı oqý oryndarynda, Qorǵanys mınıstrliginiń maman­dandyrylǵan uıymdarynda bilim alý usynylatyn bolady. Balalar úıleriniń, jetim balalar mektep-ınternattarynyń tárbıelenýshilerine, kóp balaly jáne az qamtylǵan otbasylardan shyqqan balalarǵa erekshe kóńil bólinedi. Tirkeý naýqany barysynda bozbalalarmen suhbattar ótkizilip, olar Qarýly Kúshterdiń damýy týraly, áskerı qyzmettiń keleshegi, qazaqstandyq áskerlerdiń halyq­aralyq oqý-jattyǵýlarǵa, bitim­gershilik operasııalaryna qaty­sýy týraly barlyq qajetti aqpa­rattardy alady. «Egemen-aqparat».