Aımaqtar • 27 Mamyr, 2024

Saryózek boıyndaǵy sharýa qojalyqtary qaýipsiz jerge kóshiriledi

201 ret

kórsetildi

1 mın

oqý úshin

Saryózek arnasynyń Bestal aýylyna tasqyn qaýpi tóndi. Qazir mal sharýashylyǵy jáne egistikpen aınalysatyn turǵyndardy qaýipsiz aımaqqa kóshirý týraly habarlama jumystary júrip jatyr. Bul týraly 107 ýchaskege jaýapty maman Qadyrjan Sııýmov málim etti, dep habarlaıdy Egemen.kz Atyraý oblysynyń TJ jónindegi jedel shtabyna silteme jasap.

Marjan TILEÝBEK

Saryózek boıyndaǵy sharýa qojalyqtary qaýipsiz jerge kóshiriledi

Foto: vıdeodan alynǵan kadr

Qadyrjan Sııýmovtyń aıtýynsha, Saryózek arnasynyń Erkinqala aýmaǵynda 30 sharýa qojalyǵy ornalasqan. Sonyń ishinde, Bestal aýyly boıynda 15 sharýa qojalyǵy tirkelgen. Onyń altaýy Tótenshe jaǵdaı jarııalanǵaly beri, qaýipsiz aımaqqa malyn kóshirip áketipti. Al qalǵan 9-yna búgin túsindirme jumystary júrgizilgen.

«Turǵyndarǵa sharýagerler jaılaýdan kóship, malyn qaýipsiz orynǵa aıdaý týraly túsindirme jumystaryn júrgizdik. Kelgen nópir sý Saryózek arnasy arqyly Kaspıı teńizine kedergisiz ótý úshin sýmen birge aǵyp kelgen qoqystardy der kezinde tazalap jatyrmyz», dedi Q.Sııýmov.