Foto: akorda.kz
Ulttyq qaýipsizdik komıteti tergep-teksergen qylmystyq isterdiń negizinde radıkaldy dinı ıdeologııanyń 26 jaqtaýshysy lańkestik jáne ekstremıstik áreketteri úshin sottaldy. Taǵy 22 adamǵa qatysty sotqa deıingi tergeý amaldary jalǵasyp jatyr.
UQK tóraǵasynyń málimeti boıynsha ekstremıstik kózqarastaryna baılanysty respýblıkaǵa 139 sheteldiktiń kirýine jol berilmegen, 280-nen astam sheteldik azamat Qazaqstannan shyǵarylǵan. Tyıym salynǵan dinı ádebıetterdi elge zańsyz ákelýge qatysty 190-nan astam áreketke tosqaýyl qoıylyp, 19 sheteldik jaýapqa tartylǵan. Zańsyz aınalymdaǵy 237 atys qarýy, 27 jarylǵysh qurylǵy, 4500-den astam oq-dári jáne basqa da terror quraldary tárkilendi.
Ermek Saǵymbaev jyl basynan beri 340-tan astam terrorızmge qarsy oqý-jattyǵý jıyny uıymdastyrylǵanyn jetkizdi.
Terrorızmge qarsy kúres sharalaryn kúsheıtý aıasynda IIM jáne UQK kúshteri memlekettik jáne ózge de nysandarǵa, onyń ishinde halyq kóp jınalatyn oryndarǵa 3400-ge jýyq tekserý júrgizdi.
Memleket basshysyna Ekstremızm men terrorızmge qarsy is-qımyl júıesin damytýdyń 2023-2025 jyldarǵa arnalǵan keshendi josparyndaǵy ózge de sharalardyń júzege asyrylý barysy týraly málimet berildi.
Kezdesý sońynda Qasym-Jomart Toqaev terrorızmge qarsy is-qımyl salasyndaǵy jumystardy kúsheıtý jóninde birqatar tapsyrma berdi.
