Foto: ktk.kz
«Sý basqan sharýa qojalyqtaryndaǵy mal basy qaýipsiz aımaqqa kóshirildi. Adam shyǵyny men úılerdi sý basý jaǵdaıy oryn alǵan joq. Alaıda «Altyn sazan» demalys orny men «Adaı» dúkeni zardap shekti. Qazirgi ýaqytta ákimdik tarapynan qıyn jaǵdaıda qalǵan sharýa qojalyqtaryna tehnıka, janar-jaǵarmaı, qural-jabdyqtar, bóget salý, jáne malǵa qajetti jem-shóppen kómek kórsetilip jatyr», dedi Atyraý qalasy ákiminiń orynbasary Nurjan Ermuhanov.
Qala boıynsha sý basý qaýpi bar Qaıyrshaqty, Erkinqala, Almaly aýyldyq okrýgteri men Atyraý qalasy mańynda barlyǵy 180 sharýa qojalyqtary ornalasqan. Qaýipti aımaqtarda táýlik boıyna kezekshilik uıymdastyrylǵan.
Al aýyl sharýashylyǵyna kelgen shyǵyndy óteý boıynsha qalalyq komıssııa qurý josparlanyp, sol arqyly sharýa qojalyqtarynyń ıelerine ótemaqy tólenedi.
