«Bizdiń kent boıynsha 10 úı zardap shekti. Bul úılerde barlyǵy 52 adam turdy, munyń 21-i bala, 6-aýy – zeınet jasyndaǵy kisi edi. Sol kezde 6 úıdiń otbasy «bizge basqa mekenjaıdyń keregi joq, sý qurǵasa, óz úıimizde otyra beremiz», dedi. Tórt otbasyna ýaqytsha úı berilgen edi», deıdi Jezdi kentiniń ákimi Muratbek Jumabek.
Zardap shekken 10 úıge de tıesili 3692 myń teńge kóleminde járdemaqy tólendi. Úılerdiń bárine de saraptama jasaldy. Nátıjesinde, 7 úıge smetalyq qujattama jasalyp, soǵan sáıkes, keltirilgen shyǵyndar úshin 43548 myń teńge berildi. Al apatty dep tanylǵan 3 úı jańadan salynatyn boldy.
Qazirgi kezde qurylys jumystary bastalyp ta ketti. Ár úıdiń aýmaǵy 8 sotyq jerdi quraıdy. Qurylysty júrgizip jatqan «QazMýzStroı» JShS úılerdi paıdalanýǵa berýdi tamyz aıyna josparlap otyr.
«Bizde jaıaý júrginshiler kópirine zertteý jumystary áli júrip jatyr. Bul ótkir másele kúıinde qalyp tur. Tezirek qorytyndysy shyǵarylyp, smetalyq qujat daıyndaý kerek», deıdi kent ákimi.
Ulytaý oblysy,
Jezdi kenti
