Jaıyq jaǵasynda sý deńgeıin baqylap turǵan kezekshi quram tańǵy 4 shamasynda bógettiń bir bóligin sý shaıyp, qulap jatqanyn baıqaǵan.
«Biz TJ mamandarymen birigip, bógetti jedel túrde nyǵaıtý jumysyna kirisip kettik. Qazirgi ýaqytta bul jerge geomembrana tósep, qosymsha topyraq tógip jatyrmyz. Aǵystyń kúshimen shaıylǵan bógettiń aýmaǵy 100 m quraıdy. Jalpy sý shaıǵan bóget aýmaǵyn shıfer jabyndyq materıalymen qorǵaımyz degen josparymyz boldy. Alaıda, sý deńgeıiniń tereńdigi kedergi keltirdi», deıdi 69-73 ýchastok koordınatory Qaharman Rahmetuly.
Jedel jumysqa Aqtaý TJD qyzmetkerleri men atyraýlyq 20-ǵa jýyq TJD mamany jumyldyryldy.
Spıkerdiń aıtýynsha, qulaǵan bógetti qalypqa keltirý 90%-ǵa aıaqtaldy. Nyǵaıtý jumystary jalǵasyp jatyr.
