Foto:kuanyshbek-photo.gallery
Ekinshi oryndy О́zbekstan quramasy, úshinshi oryndy Gonkong komandasy jeńip aldy.
Eske sala keteıik, Qazaqstan sportshylarynyń enshisinde qazirdiń ózinde úsh altyn bar, onyń ekeýi jalpy estafetada jáne bir medal paraolımpıadashylar arasynda ıelendi.
«Qazirgi kezde eldiń sporttyq jetistikteri onyń bedeline zor yqpal etetini belgili. Sport – memleketterdiń básekege qabilettiligin aıǵaqtaıdy. Jáne mundaı dodalarda kósh sońynda qalýǵa bolmaıdy. Sońǵy kezderi Qytaı, Japonııa, Koreıa sııaqty iri derjavalar Qazaqstandy teń dárejedegi básekeles retinde qabyldaýda. Olar «Astana» komandasyna úlken qurmetpen qaraıdy jáne qazaqstandyq veloshabandozdardyń áleýetin joǵary baǵalap, álemdik velosporttaǵy kóshbasshy sanaıdy. Biz aldymyzǵa úlken maqsat qoıamyz. Jáne sol maqsatymyzǵa jetý úshin júıeli jumys isteýge daıynbyz. Sońǵy kezderi iri ınvestorlar qazaqstandyq velosportqa qyzyǵýshylyq tanytýda. Sózsiz, bul bizdi jańa belesterdi baǵyndyrýǵa yntalandyrady», - dedi QVSF basshysy Raıymbek Batalov.
Velosporttan Azııa chempıonatynda jarystyń bastalý qarsańynda Azııa velosport konfederasııasynyń basqarý komıtetiniń ókilderimen jáne delegattarmen kezdesý ótti. Spıkerler Qazaqstan velosport federasııasy ókilderiniń pikirinshe, spıkerler Azııadaǵy velosportty damytý perspektıvalaryna oń áser etýi múmkin mańyzdy máselelerdi talqylady.
«Biz jol velosıpediniń kóshbasshysymyz. Nege belgili «Astana» komandasynyń sportshylaryn osyndaı jobaǵa qatysýǵa tartpasqa! Balalar barlyq eldermen úzdik tájirıbemen bólisýge daıyn. Bizde Astanadaǵy eń úzdik trekterdiń biri bar», deıdi federasııa basshysy.
Qazaqstan tarapynyń usynystarynyń biri Azııada jol velosportyn damytý jónindegi naqty is-qımyl josparyn qamtıtyn keńeıtilgen baǵdarlama qurý boldy. Sondaı-aq Azııa kontınentinen álem chempıonattary men Olımpıada oıyndary sııaqty aýqymdy sporttyq is-sharalarǵa komıssar kandıdatýralaryn usyný boldy. Astanada Azııanyń úzdik velotrekteriniń biri retinde tájirıbe almasýǵa jáne talantty sportshylardyń jańa býynyn tárbıeleýge yqpal etetin trenıng ortalyǵyn ashý usynylady, bul Azııa elderinde kásibı sportty damytýǵa qýatty serpin beredi.
El namysyn qorǵaǵan parasportshylar da úzdik nátıjelerge qol jetkizdi. Onda ulttyq qurama atynan V sanaty boıynsha (kórý qabileti tómen sportshylar) 5 ekıpaj shyqty. Onyń úsheýi erler bolsa, qalǵan ekeýi – áıelder. Sondaı-aq, S sanaty boıynsha (tirek-qımyl apparaty) jarys jolyna Pavel Babenko shyqty.
V sanatynda saıysqa túsken qazaqstandyq komanda úzdik úsh oryndy ózara bólisti.
1 oryn: Seıitjan Kenjeǵul - Lavrentev Antonjuby
2 oryn: Malygın Aleksandr - Devıd Kýsakovjuby
3 oryn: Tálim Dastan - Nurpeıisov Maqsat juby
V sanatynda Qazaqstan quramasynyń atynan shyqqan áıelder komandasynyń eki juby da joǵarynátıje kórsetip, altyn jáne kúmis júldege ıe boldy. Olar:
1 oryn: Qaınarova Juldyz -Chýgaı Ýlıana juby
2 oryn: Qalıeva Ásel - Nurǵalı Aıgerim.
S sanatynda jarysqa túsken otandasymyz Pavel Babenko ırandyq sportshy Behrýz Ferzadaǵa esejiberip, kúmis júldege ıe boldy. Al, úzdik úshtikti ózbekstandyq Abror Ibraımov qortyndylady.
Sonymen qatar velosıped sporty boıynsha Azııa konfederasııasynyń Kongresi – AQQ Prezıdenti jáne Sport jáne týrızm mınıstrliginiń basshysy Ermek Marjyqpaev bastaǵan AQQ quramyna kiretin ulttyq federasııalar basshylarynyń jınalysy ótti.
Qyrmyzy JUMAǴALIQYZY,
EUÝ stýdenti
