Jyl basynan Qazaqstanǵa kelgen qandastardyń jartysynan kóbi (50,3%) Qytaıdan, 33,4%-y – О́zbekstannan, 6,4%-y – Túrikmenstannan, 5,2%-y – Mońǵolııadan, 3,4%-y – Reseıden jáne 1,3%-y basqa elderden qonys aýdarypty.
Osy jylǵy 1 mamyrdaǵy jaǵdaı boıynsha eńbekke qabiletti jastaǵy etnostyq qonys aýdarýshylar sany 58,9%-dy, eńbekke qabiletti jastan kishileri 31,6%-dy jáne zeınetkerler 9,5%-dy quraıdy.
Eńbekke qabiletti jastaǵy qandastardyń ishinen bilim deńgeıine kelsek, 17%-y joǵary bilimdi, 22,6%-y orta kásibı bilimdi, 55,1%-y jalpy orta bilimdi, jáne 5,3%-ynyń bilimi joq.
Qonys aýdarǵan etnostyq qazaqtar bir jerge shoǵyrlanbaı, respýblıkanyń ár aımaǵyna qonystanǵan. Sonymen birge, vedomstvonyń habarlaýynsha, qandastardy qonystandyrý maqsatynda eńbek kúshi tapshy óńirler anyqtalǵan. Máselen, qandastar Aqmola, Abaı, Qostanaı, Pavlodar, Shyǵys jáne Soltústik Qazaqstan oblystaryna bara alady.
Qonystandyrý óńirlerinde bıylǵa arnalǵan qandastardy qabyldaý kvotasy 2 433 adamdy quraıdy. 2024 jylǵy 1 mamyrdaǵy jaǵdaı boıynsha qonystandyrý óńirlerine 1 453 qandas qonys aýdarǵan eken.
«Joǵaryda atalǵan óńirlerde qonystanǵan qandastarǵa kóshýge sýbsıdııa túrinde memlekettik qoldaý sharalary usynylady. Iаǵnı bir mezgilde otaǵasyna jáne otbasynyń árbir múshesine 70 AEK (258,4 myń teńge) mólsherinde, turǵyn úı jaldaýǵa jáne kommýnaldyq qyzmetterge aqy tóleýge – bir jyl ishinde 15-ten 30 AEK (55,3-den 110,7 myń teńgege deıin) mólsherinde sýbsıdııa beriledi. Jyl basynan beri 1 246 qandasqa túrli qoldaý sharalary kórsetildi. Atap aıtqanda, 401 adam turaqty jumysqa ornalastyryldy», delingen mınıstrliktiń aqparatynda.
Sonymen qatar erikti qonys aýdarýdyń tıimdiligin arttyrý maqsatynda azamattardy soltústik óńirlerge qonys aýdarýǵa qatysatyn jumys berýshilerdi qoldaý boıynsha ınstıtýsıonaldyq sharalar qabyldanǵan. Turǵyn úı satyp alý, salý úshin nemese ıpotekalyq turǵyn úı qaryzdary boıynsha bastapqy jarnanyń bir bóligin jabý úshin ekonomıkalyq utqyrlyq sertıfıkaty turǵyn úı qunynyń 50%-y nemese bir otbasyna 4,28 mln teńgege deıin mólsherinde bir jolǵy óteýsiz jáne qaıtarymsyz negizde engizildi.
Esterińizge sala ketsek, byltyrdan bastap qanatqaqty rejimde Qazaqstan elshilikteri arqyly «bir tereze» qaǵıdaty boıynsha qandas mártebesin berý tetigi iske asyrylyp keledi. Qanatqaqty joba aıasynda elimizge barý, jumys orny, turǵyn úı berý múmkindikteri týraly máseleni sheshýge jáne respýblıka aýmaǵyna kirmeı-aq qandas mártebesin alýǵa bolady. Búgingi tańda etnostyq qazaqtardan jańa formatta 8 326 ótinish qabyldanǵan eken.
